2016 оны "Дэлхийн Мисс" тэмцээнд 22 настайдаа оролцож, Шилдэг 5 Миссийн нэг болж байсан Филиппиний гоо бүсгүй Катриона Грей нь 2018 оны "Miss Universe" тэмцээний ялагчаар тодорчээ. Ийнхүү дөнгөж 24 насандаа дэлхийн томоохон 2 тэмцээнд өндөр амжилт гаргаж, Филиппинчүүдийн бахархал болоод байна. 2 жилийн өмнө Дэлхийн Мисст оролцож байхад нь л олон хүн “энэ бүсгүй юм дуулгана аа, түрүүлж магадгүй” гээд таамаглал дэвшүүлж л суусан байх.
1994 онд төрсөн Катриона Грей нь англи хэлээр эх хэл шигээ ярьдаг, аав нь Австрали, ээж нь Филиппин хүн юм. Тэрбээр ахлах сургуулиа Австралид төгссөн бөгөөд хожим төрөлх Филиппин улсдаа шилжин суурьшиж, моделиор ажиллах болсон гэдэг. Филиппин, Австрали иргэншилтэй Катриона Грей нь телевизийн хөтлөгч, дуучин, модель, жүжигчин гэх олон чиглэлээр ажилладаг.
Тайланд улсад өнөө өглөө явагдсан 67 дахь удаагийн Miss Universe тэмцээнд ийнхүү Филиппиний мисс Катриона Грей түрүүлснээр Өмнөд Африкийн гоо бүсгүй Деми Питерсээс титмийг нь шилжүүлэн авлаа. Дашрамд хэлэхэд Филиппин, Австралийн эрлийз бүсгүй маань найз залуугаараа мөн л Филиппин, Германы эрлийз, модель Клинт Бондад гэгч залууг сонгосон байна. Хосууд 5 жил үерхэж байгаа гэнэ.
Сэтгэгдэл бичигдээгүй байна