Хүүхэд төрүүлснийхээ дараа Холливудын нэрт жүжигчин Кира Найтли удаан хугацаанд олон нийтийн арга хэмжээнд оролцолгүй, кинонд ч тоглохгүй түр завсарлага авсан билээ. Харин саяхнаас жүжигчин бүсгүй кинонд тоглоод эхэлсэн. Саяхан “Цөмөөхэй ба дөрвөн вант улс” кинонд дүр бүтээсэн бол ирэх хавар түүний тоглосон “Үр дагавар” кино нээлтээ хийнэ.
Хэвлэлд өгсөн сүүлийн ярилцлагадаа Кира жүжигчний мэргэжлээ орхих талаар бодож байсан гэдгээ өгүүлэв. Энэ талаар Кира “Нэг үе би энэ бүгдийг орхидог ч юм бил үү гэж бодож байсан. Хямралт байдал хүнд заавал ч үгүй ирдэг юм билээ. Бүтэн жилийн хугацаанд би ажлаа хийж чадаагүй. Хэзээ энэ бүхэн дуусгавар болохыг мэдэхгүй байсан.
Азаар надад их хүчтэй дэмжлэг байсан шүү. Гэр бүлийнхэн цөөн тооны дотны найзууд маань намайг тэр бүх бодлоос ангижруулсан. Хэрэв тэгээгүй бол бүх зүйл өөрөөр эргэх байсан биз ээ. Киногүйгээр би амьдарч чадахгүй гэдгээ ойлгосон шүү” хэмээн ярьжээ.
Сэтгэгдэл бичигдээгүй байна