Ногоон цайнд ойролцоогоор 300 төрлийн ашиг шимт бодис байдаг. Тэгвэл тэдгээрийн 30 хувь нь л усанд уусан ордог байх юм. Иймд хүний биед хэрэгтэй мөртлөө цайны навчнаас усанд уусан гардаггүй 210 гаруй төрлийн элемэнт байдаг байна. Бид ихэвчлэн цайгаа уучихаад шаарыг нь шууд асгаж орхидог. Ногоон цай тогтмол хэрэглэдэг азийн орнуудын бүсгүйчүүд ногоон цайны шаараар нүүрэндээ жин тавих маягаар хэргэлдэг гэнэ. Мөн шүдний пааланг бэхжүүлж, буйлыг үрэвсүүлэхгүйн тулд шүдээ цэвэрлэдэг. Ногоон цай нь хөгшрөлтөөс сэргийлэх антиоксидант агуулсан байдаг учрас арьсыг өнгөлөг толигор болгодог. Арьсыг тайвшруулж үрэвслийг бууруулдаг учир батгатай, экземтэй, эмзэг арьсан хүртэл тохиромжтой юм.
Цай уудаг бол цайгаа ногоон цай болго
Тогтмол уудаг бол илүү үр дүнтэй. Ногоон цайгаа уусныхаа дараа пакетийг нь задлаад идээг нь аяганд хийж дээр нь бага зэргийн зөгийн бал нэмнэ. Цэвэрхэн нүүрэндээ түрхээд 10 минутын дараа бүлээн усаар угаагаарай.
Нүүрээ ногоон цайгаар шавших
Ногоон цайгаа хандалсны дараа хөртөл нь байлгана. Хөрсний дараа хөвөнд шингээн нүүрээ арчин эсвэл шууд нүүрээ шавшиж болно. Ингээд нүүрээ хүйтэн усаар угаагаад л болоо.
Гэнэт чухал ажил гарч яарахын хажуугаар сайхан харагдах хэрэг гарвал ногоон цай таньд тусална. Хав халуун буцалсан усанд ногоон цайгаа хийж хандална. Пакетаа аваад усыг нь бага зэрэг шүүсний дараа нүүрээ арчина. 2-3 минут хөртөл нь нүүрээ арчих л хангалттай. Энэ нь арьсыг чийгшүүлж, улайлтыг багасган, өнгөлөг харагдуулна.
Ногоон цайгаа нүүр цэвэрлэгчтэйгээ хоршуулах
Ажил, сургууль руугаа өнгөлөг гэрэлтсэн арьстай явахыг хүсвэл нүүр цэвэрлэгчиндээ ногоон цайгаа нэмнэ. Хоёр цайны халбага хөөсөн нүүр цэвэрлэгчээ 1 цайны халбага нунтаг эсвэл пакеттай цайгаа задлан ногоон цайтай холино. Нүүрэндээ түрхээд 5 минутын дараа бүлээн усаар угаана.
Нүүрээ утах
Буцалсан халуун усанд ногоон цайгаа хийж хандална. Дээгүүрээ даавуу нөмрөөд нүүрээ 5 минутын турш утна.
Сэтгэгдэл бичигдээгүй байна