Өмгөөлөгч А эхнэртэйгээ нийлж, байранд оруулж өгнө хэмээн худал амлан иргэдээс их хэмжээний мөнгө залилжээ

2021/09/03

Зорилтот бүлгийн иргэдийг орон сууцжуулах, тэднийг  түрээсийн орон сууцанд хамруулах тухай сонгууль болгоноор улс төрийн намууд  амладаг. Хэрэгжүүлэх  гарц шийдлийг ч  үе үеийн Засгийн газар  эрэлхийлж  хамгийн эхний шийдвэрүүдийг  2013 онд гаргаж, хөгжлийн бэрхшээлтэй иргэд, залуу гэр бүл, байгалийн гамшигт өртөж орон гэргүй болсон иргэд, өндөр настнуудыг хамруулна хэмээн тодорхой заасан.

Ажил хэрэг болгосон нь  Буянт-Ухаа I, II хороолол, “Хангай хотхон”-нд иргэдийг  түрээсийн зарчмаар оруулсан явдал байв. Харамсалтай нь энэ үйл явдлыг овжноор ашигласан хэсэг бүлэг хүмүүс залилан хийсэн нь тэр үедээ тодорхой болж байв. Шалгуур хангасан хүмүүсийг эхний ээлжинд хурдан хугацаанд байранд оруулж өгнө гэж хулхидсан нөхдүүд өнөөдрийг хүртэл өрөө төлөөгүй байна. 

Манай сайтад тус хэргийн хохирогч иргэн хандсан бөгөөд түүний хувьд Өмгөөлөгч А, түүний эхнэр Н, дүү З нар нь хамтран олон тооны иргэдийг залилсан талаар мэдээлэл ирүүллээ.

Хохирогчийн ярьж буйгаар "2019 онд Өмгөөлөгч А, түүний эхнэр Н, дүү З нар нийлж, “Буянт-Ухаа-2” хороололд 2-3 өрөө орон сууцанд түрээслээд өмчлөх хөтөлбөрт бүртгэл, дараалалгүй оруулж өгнө гэж амласан. Бүр нотариатаар зээлийн гэрээ хүртэл хийлгэсэн учир бид тухайн үедээ байртай болохын тулд тодорхой хэмжээний мөнгийг төлсөн. Тэгээд эдгээр хүмүүс хоёр сарын дотор байранд оруулна гэсэн ч өнөөдрийн хүртэл бид тэр байрных нь ордер байтугай барааг нь ч хараагүй байна. Сүүлдээ арга барагдаад төлсөн мөнгөө буцааж авах гэтэл бас л өгөлгүй одоо хоёр жилийн нүүр үзэж байна. Манай гэр бүлээс гадна маш олон иргэд энэ гурван хүний балгаас болж өнөөдрийг хүртэл орох орон ч үгүй, мөнгө ч үгүй болчихоод байна. хэмээлээ. 



Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 192.82.80.66
    2021/09/06

    өмгөөлөгчийн нэр барьсан балайгийн эрхийг хасаач дээ манай иргэд ч хууртахаа болих хэрэгтэй дээ одоо мэдээлэл мэдлэггүй явахгүй шүү дээ

    Хариулах
  • 66.181.186.26
    2021/09/03

    Нүгэл ,буяныг ялгахаа байчихсан муухай хүмүүс юмаа.

    Хариулах
  • 202.55.188.42
    2021/09/03

    Хохино ш дээ пизда. Энэ ер нь оочир дараалал дайрж урдуур орно гэсэн балай юм монголоос өөр газар байдаггү бх.

    Хариулах