ЗГ: Улсын баяр наадмаар Их хурд болон бүсийн хурдан морины уралдаан зохион байгуулах товыг зарлалаа

Засгийн газраас улсын баяр наадмаар аймгуудад хурдан морины уралдаан зохион байгуулах хуваарийг баталжээ. 

Энэ жил шигшмэл хурдан морьдын “Их хурд-9” уралдааныг долдугаар сарын 22-24-нд Хэнтий аймагт хийхээр шийдвэрлэсэн байна. 

Улсын их баяр наадмыг долдугаар сарын 11, 12-ны өдрүүдэд орон даяар нэгдсэн байдлаар зохион байгуулна. Бүх аймаг долдугаар сарын 11, 12, 13-нд баяр наадмаа тэмдэглэх шийдвэр гарсныг Шадар сайд өчигдөр мэдээлсэн билээ. 

Бүсийн хурдан морины уралдааны хуваарь:

1. Баруун бүсийн хурдан морины уралдаан 29-31-нд Ховд аймагт
2. Төвийн бүсийн хурдан морины уралдаан долдугаар сарын 29-31-нд нийслэлийн Налайх дүүрэгт
3. Хангайн бүсийн хурдан морины уралдаан Хөвсгөл аймагт
4. Говийн бүсийн хурдан морины уралдаан Дундговь аймагт
5. Зүүн бүсийн хурдан морины уралдаан Сүхбаатар аймагт болно.