Оскарын шагнал гардуулах ёслолын үеэр Холливүүдийн од Уилл Смитийн комедиан Крис Рокийг алгадсан нь нилээдгүй шуугиан тариад байгаа.
Крис Рок түүний эхнэрийн халцарсан толгойн талаар хошигнол хэлсэн ба Уилл Смит үүнийг нь тэсэлгүй Оскарын тайзан дээр Крис Рокыг алгадсан юм.
Смитийн эхнэр Жада Пинкет өвчний улмаас толгой нь халцарч эхэлсэн тул үсээ хусуулсан байна.
Америкийн Кино Урлагийн Академи өчигдөр болсон үйл явдалд Смитийг буруутгаж, мөрдөн шалгах болсноо зарласан юм.
“Бид болсон үйл явдлын мөрөөр албан ёсны шалгалтыг эхлүүлж, Калифорни мужийн хууль тогтоомжийн хүрээнд ямар арга хэмжээ авахаа шийдвэрлэх болно” гэж Оскарын шагналыг зохион байгуулагчид мэдэгджээ.
Уг мэдэгдлийн дараа жүжигчин Уилл Смит өөрийн Инстаграм хуудсанд Крис Рокоос уучлалт гуйсан мэдэгдэл гаргасан байна.
Смит: “Өчигдөр орой Академийн шагнал гардуулах ёслолын үеэр миний гаргасан үйлдэл уучилж болшгүй зүйл гэдгийг би хүлээн зөвшөөрч байна. Хошигнол бол миний ажлын нэг хэсэг. Гэхдээ Жадагийн эрүүл мэндтэй холбоотой хошигнол миний хувьд хэм хэмжээнээс хэтэрсэн явдал тул сэтгэл хөдлөлөө барьж дийлээгүй юм” гэж бичжээ.
Рок болсон явдлын талаар гомдол мэдүүлэхээс татгалзсан тухай Лос Анжелес хотын цагдаагийн газар сүүлд мэдээлжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
213.87.149.227
Шилдэг тавтай морилно уу секс болзоо сайт - - www.Hot24.pw
Хариулах183.177.99.230
Хойд Америкт Жүүдүүд Африкууд л байна
Хариулах