Цэцэрлэгийн хүртээмжийг нэмэгдүүлэх 10 ШИЙДЭЛ

Боловсрол, шинжлэх ухааны сайд Л.Энх-Амгалан “Сургуулийн өмнөх боловсролын хүртээмжийг нэмэгдүүлэх асуудал, шийдэл” сэдвээр нийслэлээс сонгогдсон гишүүдэд танилцуулга хийлээ.

Улаанбаатар хотод нийт 674 цэцэрлэг байгаагаас төрийн 276, хувийн хэвшлийн 398 цэцэрлэг бий. Улсын хэмжээнд 2-5 насны 305783 хүүхэд байгаагаас сургуулийн өмнөх боловсролд 2021-2022 оны хичээлийн жилд 233090 хүүхэд хамрагдаж байна.

Тэгвэл сургуулийн өмнөх боловсролын үйлчилгээг тэгш, хүртээмжтэй болгох зорилгоор ойрын хугацааны 10 шийдлийг боловсруулсан байна. 

Үүнд:

• Одоо байгаа цэцэрлэгийн барилгыг өргөтгөнө.
• Цэцэрлэгийн зориулалттай барилга түрээслэнэ.
• Хувийн цэцэрлэгийн сул орон тоонд элсэлт авна.
• Байгууллагын цэцэрлэгийг дэмжинэ.
• Хувийн цэцэрлэг байгуулах, өргөтгөх санаачлагыг дэмжинэ.
• Өргөө цэцэрлэг барих ажлыг эрчимжүүлнэ. /Алслагдсан гэр хорооллын дунд 100-150 хүүхдийн хүчин чадалтай бие даасан дэд бүтцээр шийдэж байгаа цэцэрлэг барина/
• Орон сууцны нэгдүгээр давхрыг цэцэрлэгийн зориулалтаар түрээслэх худалдаж авна.
• Хувийн хэвшил өөрийн газар дээр цэцэрлэг барьвал дэмжлэг үзүүлнэ.
• Хүүхэд харах үйлчилгээг дэмжиж, квотыг нэмэгдүүлэх шийдэл
• 2 настай хүүхэд бүрийн хувьсах зардлыг шийдвэрлэнэ.