Ё.Баатарбилэг: НВЦ-ийн Ц.Баатарбилэг бид хоёр найзууд. Би хөгжлийн банкнаас зээл авахад нь нөлөөлөөгүй

Улсын Ерөнхий прокурор Б.Жаргалсайхан өчигдөр дөрвөн гишүүний бүрэн эрхийг түдгэлзүүлэх хүсэлт УИХ-ын даргад хүргүүлсэний нэг нь УИХ-ын гишүүн Ё.Баатарбилэг байсан юм. Тэгвэл УИХ-ын гишүүн Ё.Баатарбилэг жолоочоороо дамжуулан хахууль авсан байж болзошгүй нөхцөл байдал үүссэн талаар бид мэдээлсэн. 

Харин уг асуудлаар УИХ-ын гишүүн Ё.Баатарбилэгээс сэтгүүлчид тодруулга авсныг хүргэе.

-Таны бүрэн эрхийг түдгэлзүүлэх санал УИХ-ын даргад ирсэн байна. Энэ талаар мэдээлэл авсан уу?

-Өчигдөр УИХ-ын даргад бичиг ирсэн гэж сонссон. Би УИХ-ын удирдлагуудтай уулзаагүй байна. Ямар бичиг ирсэн талаарх мэдээлэл алга. 

НВЦ компанийн Ц.Баатарбилэг гэдэг хүнийг таних уу ? 

Хөгжлийн банктай холбоотой асуудлаар шалгагдаж байна гэж ойлгосон. Өнгөрсөн долоо хоногт АТГ-т очиж, тогтоолтой танилцсан. Эхний ээлжийн мэдүүлэг, юмнуудаа бичгээр өгсөн байгаа. Мөрдөн байцаах ажиллагаа явж байгаа юм байна. Хууль хяналтын байгууллагууд энэ талаар ярих байх.

-Таныг НВЦ компанийн Ц.Баатарбилэгээс жолоочоороо дамжуулан хахууль авсан гэж буй?

-Танина. Бид хоёр олон жилийн найзууд. Ц.Баатарбилэг 2017 онд Хөгжлийн банкнаас зээл авсан юм байна. Тэр үеийнх нь зээл авсан процесст би нөлөөлсөн зүйл байхгүй. Тухайн үеийн Хөгжлийн банкны удирдлагуудыг ч би танихгүй. Мөрдөн байцаалтын шатанд явж байгаа учраас миний зүгээс тайлбар өгч болохгүй. Хууль хяналтын байгууллагууд шалгах байх. УИХ-д энэ асуудал ороод ирчихсэн учраас процессынхаа дагуу шийдээд явах байх. 

Хөгжлийн банктай холбоотой асуудлаар л намайг шалгаж байгаа юм байна гэдгээс өөр хэлэх юм алга.