ХУУЛЬ, ШҮҮХИЙНХЭНД ҮЙЛЧИЛДЭГГҮЙ ХУУЛЬ...
Эрхтэн дархтан, элдэв албан тушаалтан, бүр хууль сахиулагч, хуульч, шүүгчиддээ үйлчилдэггүй хууль, шүүхийн талаар цухас дурдмаар санагдав.
... 2013 онд Шүүхийн Ерөнхий зөвлөлийн гишүүд анхны хуралдаанаа хийж, ШЕЗ-ийн даргаараа Н.Лүндэндоржийн нэрийг дэвшүүлж, улмаар Ерөнхийлөгч дэмжин зарлиг гаргаж түүнийг ШЕЗ-ийн даргаар томилсон байдаг. Мэдээж энэ бол хуулийн дагуу өрнөсөн томилгоо.
Гэвч тухайн үед хүний аминд хүрчихээд үйлдсэн хэргийнхээ хариуцлагыг хүлээж, шүүгдэгчийн ширээний ард суугаагүй, ял сонсоогүй, хэргээ хүлээгээгүй “Хүн амины хэрэгтэн” ШЕЗ-ийн даргаар томилогдож байгаа нь ариун явдал мөн үү. Бүгдээрээ шударга байцаая л даа... хэмээн хэвлэлүүд шуугиж байв.
Уг нь жирийн ардын хүү их бага ч хийсэн хэрэгтээ шийтгэл хүлээж, торны цаана суудаг бол эрхэм шүүгч яасан ч үгүй. Харин ч бүр дээр заларч, өдгөө эхнэрийнхээ удирддаг сургуульд 10 саяын зөвлөгөө өгдөг нэр зүүн, төсвийн мөнгөнөөс халаасалж суугаа...
Түүнтэй ижил шахуу нэгэн жишээ:
Ерөнхийлөгч Х.Баттулга 2020 оны зургадугаар сарын 2-ны өдөр 77 дугаар зарлиг гаргаж, Дээд шүүхийн ерөнхий шүүгчээр Дамдины Ганзоригийг томилж байв. Тэр үед мөн л түүнийг хууль зөрчсөн гэж үзэн, цэц мэц нь огцруулна барина гээд л маргаан болсоор намжсан байдаг.
Гэтэл 2022 оны хаврын хавсарганаар “шинэ ерөнхий шүүгч Д.Ганзориг нь ууж сотгуурхаад жолоочийгоо зодчихжээ” гээд дахин шуугив. Гэтэл удалгүй “Манай жолооч зодуулаагүй гэдгээ өөрөө хэлсээн. Би буруугүй” гэснээр мөн л таг болов.
Уг нь хаа нэгтээ ардын хүү согтуудаа нэгнийгээ гөвчихсөн бол баараггүй хуулийн заалт тэвэрчихсэн шаналж суух байсан. Тийм бэээз? Тийм.
“Шударга тав”-ын тэмцлийн оройд байсан хүмүүс дунд Ерөнхий сайд ч байна, Хуульзүйн сайд ч байна. Бүр цаана нь Ерөнхийлөгч нь ч байна. Гэтэл тэд давуу эрхтэй шүүгч нараа дарах бяр суугаагүй л бололтой. Хууль, шүүхийн шинэчлэл яриад л байдаг, яриад л байдаг. Хууль, шүүх нь ялзарсан хэвээрээ...
Эрхэм дээд шүүгч нар нь ёс мэт хэрэг төвөг тариад л байдаг, хэвлэл мэдээлэл нь нийтлээд л байдаг. Тэгээд л нам жим болдог. Ёс зүйгүй шүүгч нар нь суудалдаа сууж л байдаг.
Ер нь “томчууд” хэрэг төвөг тарихаараа өөрийгөө шалгуулахаар цагдаад өгдөг, төд удалгүй гэрч хохирогчид нь өөрөө буруугаа хүлээдэг, зодуулсан нь зодуулаагүй болж мэлздэг МОДА дэлгэрсэн гэх үү дээ.
Тэгэхээр хууль үйлчилддэгүй энэ хүмүүсийн хэргийг эргэн нэхэн сурвалжилъя сэтгүүлчдээ
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.27.23
Хожомын нэг өдөр цаазын ял авах гарцаагүй хэрэг үйлдсэн нэг этгээд цаазын ялыг байхгүй болгох уриа лоозон гаргаж УИХ-ын гишүүд үүнийг нь ура хашгаран дэмжиж хуульчлан энэ шинэ санаанаас туршлага авч өөрсддөө зориулан хожимын нэг өдөр ял завших хуулийн заалтуудыг хуулинд суулгаж,тэрч байтугай үндсэн хуулиас давсан УИХ-ын гишүүний халдашгүй байдлын хууль гэж гарган таахалзацгаах болсоныг яана,Лүндэндоржтой барьцаад шүүхээр ял авсан этгээд хүртэл төр шүүхэд өндөр албанд очсон сураг яриа иргэдийн дунд тарсан байх юм,ер нь энэ төрд,намд итгэх итгэл гэж алга болж байнадаа
Хариулах103.229.123.14
ХУУЛИЙНХАН авлигад идэгдсэн. 4,3 тэрбумын АВЛИГА авсан авлигачинг 20 сая төгрөгөөр торгоод, шийтгэсэн болж байна. МЭДЭЭЖ тэрбумаар нь АВЛИГА авсан хүн АВЛИГЫН асуудлаа хуульчдаар ШИЙДҮҮЛЭХДЭЭ АВЛИГА өгч байгаа. ХУУЛИЙН байгууллагуудад ИХ цэвэрлэгээ хийх ёстой
Хариулах213.87.150.230
Шилдэг тавтай морилно уу секс болзоо сайт - - www.Hot24.pw
Хариулах66.181.189.189
Авилга хахуульд л бөхөлздөг нь үнэн шүү дээ.
Хариулах202.179.26.213
Монголын хуулийг гууль болгож ялгаварлан гадуурхаж хэргийг шийддэг шүүгч нарын заваан ажлыг таслан зогсоож, хуулиа дээдэлдэг шударга шүүхийг бий болгох нь ард түмний нэгдсэн бөгөөд зохион байгуулалттай шантаршгүй шаардлага тэмцэлээс л шалтгаална.Бид ингэж тэмцэж чадахгүй байна.Энэ тэнэг шүүгчид уул нь бидний татварын мөнгөөр л амьдарч байгаа шүү дээ.
Хариулах