С.Даваасүрэн: Иргэд маань сайжруулсан түлшээ зөв техникээр хэрэглэх хэрэгтэй

Өнгөрсөн амралтын өдрүүдэд иргэд угаарын хийнд хордсон хэд хэдэн дуудлага Хордлогын яаралтай тусламжийн төвд иржээ. Нийт 16 иргэн эмнэлгийн тусламж үйлчилгээ авсан. Харамсалтай нь дөрвөн иргэн амь насаа алдсан хэрэг гарсан юм.

Үүссэн нөхцөл байдалтай холбоотойгоор Нийслэлийн онцгой комисс яаралтай хуралдаж, сайжруулсан түлш хэрэглэсний улмаас угаартаж, амь насаа алдсан байж болзошгүй асуудалтай холбогдуулан тухайн хэргийн шалтгаан нөхцлийг яаралтай шалгаж тогтоох, тухайн иргэдийн хэрэглэж байсан сайжруулсан түлшнээс дээж авч мэргэжлийн лабораторид хандан өмнө үйлдвэрлэсэн, одоо үйлдвэрлэж байгаа түлштэй харьцуулсан нарийвчилсан дүн шинжилгээ хийлгэх зэрэг үүрэг даалгавар өгсөн билээ. 

Тэгвэл өнөөдөр сайжруулсан шахмал түлшний лабораторийн шинжилгээний дүнг танилцууллаа. "Тавантолгой түлш" ХК-ийн шахмал түлшний 23 дээжийг төрийн гурван байгууллагад шинжлүүлсэн аж. 

Нийслэлийн Засаг даргын орлогч Ж.Батбаясгалан “Онцгой комисс ажлын хэсэг байгуулж ажилласан. 17 цэгээс 23 дээж авч Геологийн төв лаборатори болон АМГТГ-ын харьяа лаборатори, Гаалийн төв лабораторид албан ёсоор гурван газарт шинжлүүлсэн. Шинжилгээний хариуг албан ёсоор мэргэжлийн хяналтын газарт ирүүлсэн байгаа. 

Өнөөдөр Нийслэлийн засаг даргын шуурхай хуралдсан. Нийслэлийн нийт захиргааны байгууллагуудаар дамжуулан айл өрхөд энгийн зуух, ханын пийшингийн галлагааны талаар  заавар, зөвлөгөө өгөх ажил эхэлсэн” гэлээ.

МХЕГ-ын дэд дарга С.Даваасүрэн “Түлшнээс дээж авч гурван лабораторид шинжлүүлсэн. Шинжилгээний хариунд үндэслээд улсын байцаагч нар маань дүгнэлтээ гаргана. Геологийн төв лабораторид 9 дээж шинжлүүлснээс одоо мөрдөж буй стандартын дагуу үзэхэд эдгээр дээжүүдийн чийглэг стандарт хангасан. Үнслэг нь 29 буюу түүнээс бага байх ёстой гэж зааснаас 23-24 гарсан. Дэгдэмхий чанар 22-оос бага байх ёстой. 19-20.3 хооронд хэлбэлзэж гарсан. Хүхэр нь 1.0 буюу түүнээс бага байх ёстой гэж заасан 0.94-1.04 гэж гарсан. Нэг дээжнээс 0.04 илүү гарсан байсан. Илчлэг нь 4200-гаас бага байх ёстой гэхэд 6400 болон түүнээс дээш гарсан. Ичлэг өндөр гэсэн үг.

Өчигдөр Хан-Уул дүүргийн 10-р хорооноос дуудлага ирүүлсэн. Нэг хашаанд байдаг хоёр айл сайжруулсан түлш хэрэглэсэн. Гэтэл нэг айл нь зүгээр байхад, нөгөө айлын хоёр хүүхэд угаартаж, хордлого тайлах эмчилгээ хийлгээд гэртээ харьсан. Тухайн айлаас очиж мэдүүлэг авахад иргэн Т долдугаар сургуулийн дэргэдэх борлуулалтын цэгээс нүүрс аваад унтахдаа яндангаа хаагаад унтсан гэж мэдүүлсэн. Тэгэхээр иргэдийн анхаарал, болгоомжтой хэрэглээнээс үүдэлтэй гэдгийг анхааруулъя. Иргэд маань сайжруулсан түлшээ зөв техникээр хэрэглэх хэрэгтэй. АМГТГ-ын лабораторийн шинжилгээний дүнгээс харахад бүгд стандарт шаардлага хангасан байна.

Гаалийн төв лаборатрид барьцалдуулагч бодисыг шинжлүүлсэн. Шинжилгээний дүнгээс үзэхэд цардуул болон шаварлаг бодис байна гэсэн хариу ирүүлсэн байгаа. Иргэд шахмал түлшинд химийн бодис болон янз бүрийн бодис холиод хордоод байгаа юм биш биздээ гэж хардаад байгаа. Цардуулыг шатаахад угаар гардаггүй. Дээрх гурван хариуг үндэслээд улсын байцаагчийн дүгнэлт гараад Нийслэлийн онцгой комисст хүргүүлнэ" гэлээ.

Ийнхүү мэдээллийн дараа сэтгүүлчдийн асуултад хариулт өглөө.

-Нас барсан иргэд юунаас болж амиа алсдан талаар мэдээлэл байгаа юу?

-Хэрэг мөрдөн байцаалтын ажиллагаа явж байгаа учраас цагдаагийн байгууллага албан ёсоор мэдээлэл өгнө. Шүүхийн шинжилгээний газраас албан ёсны дүгнэлт гарна. Өнөөдөр 12.00 цагийн байдлаар албан ёсоор хүн  угаартаж нас барсан гэсэн мэдээлэл алга. Харин өчигдөр угаартсан гэсэн 11 дуудлага ирсэн.

-Цаашид шахмал түлшийг иргэд хэрэглэх үү, яах ёстой вэ?

-Монгол Улсад мөрдөгдөж байгаа шинэчлэн баталсан, хууль тогтоомжийн дагуу мөрдөж байгаа сайжруулсан түлш түлж болно. Бүтэн жилийн хугацаанд сайжруулсан түлшийг туршиж, стандартыг нь баталсан.

-Хэрэглэгчид юунд анхаарах ёстой вэ. Хэрэглээний горим алдагдаж байгаа бол үүнд хэрхэн анхаарах вэ?

-Ер нь бол нийслэлээс өвөлжилтийн бэлтгэл ажлыг хангах үүднээс инженерийн байгууламж, иргэд рүү хандсан ажиллагаа явагдаж байна. Нийслэлийн нийт хүн амын 60 орчим хувь нь галлагаа буюу халаалтын системээр өөрсдийгөө халааж байгаа. Стандартын бус маш олон төрлийн зуух хэрэглэж байгаа. Үүнтэй холбогдуулан нийслэлийн нутгийн захиргааны бүх төрийн албан хаагчид өнөөдөр гэр хорооллын бүх айлуудаар халаалтын ханан пийшин, зуухтай холбоотой мэдээллийг өгч, яг одоо ажиллаж байна. Дахиж иргэд маань эрүүл мэнд, амь насаараа хохирохгүй байх талаар анхаарч ажиллаж байна.

-Иргэдийн хэрэглэж байгаа зуух, пийшинд ямар нэг асуудал байна уу. Төслийн зуухтай хэр нийцтэй байгаа вэ?

-Ахуйн хэрэглээний бүх зууханд сайжруулсан түлшийг ашиглана. Гол нь аюулгүй байдал, хэрэглээний асуудал хөндөгдөж байна. Жишээлбэл, битүүмж алдагдах, яндан нь агаар сорох, яандагийн холболт гэх мэт бүх зүйлийг шалгаж, яагаад гэр дотроо угаарын хий алдах болов гэдэг дээр дүгнэлт гаргахын тулд шуурхай ажлын хэсэг газар дээр нь ажиллаж байна.

-Зарим эрдэмтдийн зүгээс угаартаж байгаагаа мэдэх, утаа гарч байгааг мэдэгдэх төхөөрөмж тавих боломжтой гэсэн байр суурийг илэрхийлж байна?

-Айл өрх бүр стандартын бус сууцтай байгаа учраас урьдчилан сэргийлэх арга хэмжээг авах нь зүйтэй гэж бодож байна. Угаарын хий мэдрэх төхөөрөмж тавих ёстой ч эрсдэлүүд гарч байгаа юм. Угаарын хий мэдрэгч аппарат орчин, өрх бүрт хэрэглэх боломжтой төхөөрөмж байдаг гэдэг саналуудыг эрдэмтэд хэлж байна. Иргэд өөрсдийн эрүүл мэндийг анхаарах нь зүйтэй.

-Угаартсан иргэдийн биеийн байдал ямар байгаа вэ?

-Таван хүн хордлогын төвд байгаа бол нэг хүүхэд Эх нялхасын эрүүл мэндийн төвд хэвтэн эмчлүүлж байна.

Т.Очир

 

Сэтгэгдэл (2)
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019.10.23
129.56.93.138
brenda

Би Бренда, Грегтэй олон жилийн турш гэрлэсэн. Гэсэн ч нөхөр маань намайг хуурч байгаа гэж хэлээд бид хоёулаа нүцгэн хосууд болсон, тэр итгэж чадахгүй, бас миний үгэнд итгэхгүй байгаа тул бид салах өргөдөл гаргаж, хожим бид салж, салахаа больсон. Байна. Удаан хугацааны турш би хөдлөхийг хичээсэн боловч түүнгүйгээр үлдэж чадахгүй байсан тул би нөхрөө эргэж ирэхийг эрэлхийлж эхэлсэн бөгөөд дараа нь Дризойя руу очсон. Би тааралдсан агуу хүн, тэр хайрын шившлэг бичиж, 24 цагийн дотор нөхрөө эргэж ирэв. үүнтэй холбогдуулан би Доктор ИЗОЯА-тай холбоо барих, drizayaomosolution@gmail.com хаягаар холбог

2019.10.07
117.111.10.64
mmm

shinjilgeeni hariu .dugnelt henii tald garhiin oilgomjtoi uhsen hunii tald uu..hotiin dargiin tald uu..tulshee ulam saijruulna gej gants ug dugarahgu..tuuhii nuurs tuldeg bsnana iluu l ugaartaj uhej bna..iluu une ortogtei..iluu utaatai ..iluu uns nuramtai...hariutslagatai medegdel hiine gej bhgushu..irgediin buruu l geed bhiin