Ерөнхийлөгч асан Ц.Элбэгдорж БНХАУ-ын дарга Ши Жиньпинд захидал бичжээ

2020 оны 09 сарын 26

Монгол Улсын Ерөнхийлөгч асан Ц.Элбэгдорж Өвөрмонголчуудын хэл,соёлын асуудлаар БНХАУ-ын дарга Ши Жиньпинд захидал бичсэнийг Монгол дахь Хятадын Элчин сайдын яам өчигдөр /2020.09.25/ хүлээн авсан байна.

Захидалд “БНХАУ-ын дарга Ши Жиньпин танаа, Монгол хэл бичгийн тухай:

Таны түмэн амгаланг Монгол Улсын нийслэл Улаанбаатар хотоос айлтган мэндчилж байна. Өвөрмонголын өөртөө засах орны Монгол үндэстэн Монгол хэл бичгээрээ сурах, ярих, бичихтэй холбогдсон асуудал олны санааг зовоосоор байгаа тул танд хандаж байна.

Үндэстэн бүр өөрийн ярианы болон бичгийн хэлийг хэрэглэх, хөгжүүлэх эрхтэй хэмээх танай Үндсэн хуульд байгаа суурь заалт Өвөр монгол дахь Монгол хүүхдүүдийн хувьд илт зөрчигдөж байгааг та сонсч, мэдсэн нь лавтай. Үндсэн хуулийн дээрх эрхээ бүрэн дүүрэн эдлэх гэсэн олон түм буман Монгол хүн, тэдний хүүхдийн халуун бие сэтгэл, хатан зүрх үгээр илэрхийлэх аргагүй их шаналал зовлонг туулж буйг сонсч мэдсээр тэсч суух аргагүйн учир энэхүү захиаг танд хандан бичиж байна.

Монгол үндэстэн Монгол хүн байх эрхээ балчир наснаасаа алдах, ийм гамшиг аюулд үр хүүхэд нь нэрвэгдэн шаналахыг ямар ч эцэг, эх тэвчихэд бэрхтэйг аав хүний хувьд та бид хоёр сайн мэднэ.

Монгол үндэстнийг бие даасан үндэстний хувьд хэл бичгээр нь уусган устгах нөхцөл рүү хөтөлсөн харгислал өргөжиж, энэ тухай мэдээлэл улам хаалттай болсоор байгаа нь олны сэтгэлийг бүр ч ихээр зовоож байна.

Халуун амь бүлээн цус нэгтэй дэлхийн Монгол хүн бүр ах дүү амраг саднаа нүдгүй харанхуйд улаан шуурга яргалал, шорон гянданд алдсан мэт боллоо. Иймээс тэд ямар нэг сайн мэдээг итгэл үл тасран хүлээсээр байгаа юм.

Манай орны Монгол үндэстэн хүн бүр төрөлх хэл бичгээ сурах, ашиглах, өвлүүлэх эрхээ бүрэн эдлэх ёстой. Энэ эрхийг зөрчсөн аливаа үйлдэл гаргаж болохгүй, цаашдаа ч энэ явдал давтагдах учиргүй гэсэн таны шийдвэрлэх үг, хүнлэг ил тод үйлдэл хэзээ хэзээнээс илүү шаардлагатай байна. Таны чухам ийм алхам л дээр өгүүлсэн байдал түүнээс үүдэн гарч байгаа, гарч болох бүх үр дагаврыг зогсоож чадна.

Монгол хүний тухай өмнө нь хүргүүлж байсан хүсэлтэд та биечлэн анхаарч, нааштай шийдвэрлэж байсанд би талархдаг. Тантай тогтоосон хүн ёсны сайхан харилцааг миний бие эрхэмлэн хүндэтгэж явдаг. Энэ удаад Монгол Улсын иргэн, таны сайн танил болохын хувьд Монгол өв соёлын тухай танд чин сэтгэлээсээ дахин хандаж байна. Монгол хүн төрөлх хэл бичигтэйгээ байхыг л би хичээнгүйлэн хүснэм.

Хятад, Монгол хоёр орны харилцаа эрх тэгш стратегийн төвшинд өргөжин бэхжиж байгаад баяртай байдаг. Монгол үндэстнийг үеийн үед илэрхийлж ирсэн Монгол хэл бичгийн амин холбоо алдагдах,  тасрах ёсгүй.

Хүн төрөлхтөний хувь заяанд нөлөөтэй, хариуцлагатай, эв зохицлыг эрхэмлэдэг удирдагч болохын хувьд таниас сайн мэдээ нааштай хариуг харуулдан хүлээсээр байх болно.

Танд болон таны гэр бүлд, Хятадын найрсаг хамт олонд хамгийн сайн сайхныг хүсэн ерөөе.

Таныг хүндэтгэн ёсолсон Монголын Цахиагийн Элбэгдорж” гэжээ.

Сэтгэгдэл (6)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 28
202.126.88.48
Дорж долдойд

Хятад монгол хоёрын харьцаа сэвэнд биш цусанд будагдах гээд байна долдой Доржоо. Элэг нэгт монголчуудыг чинь хэл соёлоос нь эхлэн нухчин дарж байхад яасан их хятадыг өмөөрсөн этгээд вэ.

2020 оны 09 сарын 26
202.126.88.48
Иргэн

Элбэгээгээс өөр хэнч ингэж монгол хэлээ өвармонголчуудаа өмөөрч дуугарч чадахгүй ээ. Элэг нэгтнээ өмөөрхөд элэнцгийн хязгаар байхгүй

2020 оны 09 сарын 26
182.160.32.129
Эммээ

Элбэгээ одоо болиоч.хчзгаарыг давахаа зогсоо.

Зочин(202.21.104.2)
2020 оны 09 сарын 28

Элбэгээгээс өөр ингэж дуугарах шийртэй аавын хүү байхгүй. Тэр дэлхий дахинд танигдсан, хүлээн зөвшөөрөгдсөн, байр суурин дээрээ цэх, цэгцтэй дуугарч чаддаг улс төрч. Гадаад харилцааны салбарт тэр маш чухал алхамууд хийсэн. Харин манай одоогийн ЕР, ЕС, сайдууд ямарч цэгцтэй бодлого, үзэл баримтлалгүй, дээрээс нь хувь хүнийхээ хувьд үлбэгэр доожоогүй байна. 2 хөршийн толоомонд орж ийш тийш учраа олохгүй гүйж байгаад хэрчүүлэх л дүр зураг харагдаад байна даа. Өнөөдрийн гуйлгын 5 цаас бидний ирээдүй биш шүү! Тусгаар тогтнол, эх орон минь мөнхөд оршиг!

Дорж(202.126.90.121)
2020 оны 09 сарын 27

Хоёр орны харилцаанд албаар сэв суулгаж гэж.... үнэхээр хар мөртэй хүн шүү.

Irgen(182.160.35.143)
2020 оны 09 сарын 26

Yag unen. Hetersen bna