Дархан хотод коронавирусийн сэжигтэй тохиолдол илэрлээ  

2020 оны 11 сарын 17

Дархан-Уул аймагт Сэлэнгэ аймгийн иргэний дам хавьтлын гэх 583 иргэнд түргэвчилсэн PCR шинжилгээ хийжээ. Шинжилгээгээр нэг сэжигтэй тохиолдол өнгөрсөн шөнө илэрсэн байна. Хариуг баталгаажуулахаар ХӨСҮТ-рүү сорьц илгээгээд байгаа аж. Уг нөхцөл байдалтай холбогдуулан өнөөдөр 06:00 цагаас эхлэн 24 цагийн хугацаанд бүрэн зогсолт хийхээр болж, хөдөлгөөнийг хорилоо.

Ерөнхий сайдын ахлах зөвлөх Ж.Энхбаяр "Дархан-Уул, Сэлэнгэ аймаг зорчих хөдөлгөөн нягт байдаг. Тиймээс өнгөрсөн хоногуудад халдваргүйжүүлэх арга хэмжээг хийсэн. Гурав хоногт 10 мянган хүнийг түргэвчилсэн оношлуураар шинжилгээ хийлээ. Нийт иргэдийн 50 хувийг тандалтад оруулахад түргэвчилсэн шинжилгээгээр нэг хүний хариу эерэг гарсан тул ХӨСҮТ рүү шинжилгээ хийлгэсэн. Тухайн хүний ойрын хавьтал 60 гаруй хүнийг тусгаарлаж, дахин шинжилгээ хийхээр болж, бүх нийтийн тэг зогсолтыг 24 цаг хийхээр боллоо.

Түргэвчилсэн оношлуураар эерэг гарсан ч эцсийн хариу PCR шинжилгээгээр баталгаажна. Дархан-Уул аймгийн иргэдийг бүрэн шинжилгээнд оруулахаар ажиллаж байгаа" гэлээ.

Дархан-Уул аймгийн Засаг дарга Т.Азжаргал "24 цагийн хугацаанд яаралтай арга хэмжээг авч цаашид хэрхэхийг шийдэх бөгөөд иргэдтэй холбоотой яаралтай тусламж үйлчилгаа, хүнсний хангамжийг яаралтай зохион байгуулж ажиллана" хэмээн хэллээ. 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 11 сарын 17
103.57.92.232
m.nyam

ewchin zoriud taraagaad baigaa sejig buhii nohodig yaraltai ender torguul,tusgaarlah shorond hiigeechee,bugdiig ni uzen yadaj baina