М.Цолмон: Хаалга, цонхны бариулыг даавуугаар ороох нь буруу  

2020 оны 11 сарын 17

Коронавирусийн халдвараас сэргийлэн албан байгууллага, үйлчилгээний газрууд хаалга болон цонхны бариулаа ариутгагчтай даавуугаар ороох болсон.

Тэгвэл энэ нь маш буруу үйлдэл бөгөөд оронд нь хоёр цаг тутамд хүний гар хүрсэн хэсгүүдийг чийгтэй алчуураар арчиж, цэвэрлэх ёстой гэдгийг Халдварт өвчин судлалын үндэсний төвийн халдвар судлаач их эмч М.Цолмон зөвлөлөө.

Нойтон алчуур ороосноор бохирлогдон түүгээр дамжин халдвар дамжих эрсдэл үүсдэг байна. Хоёр цаг тутамд чийгтэй алчуураар арчихдаа хлор агуулсан бодисыг үйлдвэрлэгчийн зөвлөсний дагуу найруулж ашиглах юм. 

Мөн агаарт эмнэлгийн цэнхэр, цэвэр спирт болон архи цацаж буй талаар иргэд мэдээлж буй. Энэ нь маш буруу бөгөөд үүний оронд 15 минут тутамд өрөөндөө агаар оруулах нь  хэрэгтэй. Гэхдээ вирус хүйтэнд тэсвэртэй байдаг учраас өрөөний хэмийг хэт хүйтрүүлж болохгүй.

Үүнээс гадна хүн бүр өөрийн аяга, таваг, халбага, сэрээтэй байж, сайн угааж цэвэрлэн хэрэглэх шаардлагатай бөгөөд дундаа тавьж иддэг хятад, солонгос хоолноос аль болох татгалзах хэрэгтэй гэдгийг зөвлөсөн юм. 

ВИДЕО:

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.