Нийслэлчүүд Х.Нямбаатарын багт итгэж байна

Нийслэлд бүтээн байгуулалт өрнөж, түүнийг дагасан яриа, хэл ам, магтаал сайшаал их байна. Ажил хийсэн хүн шүүмжлүүлдэг гэдэгчлэн, Х.Нямбаатарын БАГ ч шүүмжлүүлж, магтуулж сайн, саар хэл амны аль, алиныг нь даан, ажлаа үргэлжлүүлсээр...

Нийслэл хотод том шинэчлэл хийх зорилтыг зориглон ажил хэрэг болгож байгаа энэ үед нийслэлийн Иргэдийн төлөөгчдийн Хурлын сонгуулиар  тэдний багийг багаар нь сонгож, эхлүүлсэн ажлаа дуусгах боломжийг олгон, үр дүнг нь харахыг хүсэж байгаагаа нийслэлийн иргэд онцолж байна.

ЗАМ ЗАСВАРЫН АЖЛЫГ ХАМГИЙН ОЛОН БАЙРШИЛД  ШУУРХАЙ ЗОХИОН БАЙГУУЛЖ БАЙНА

Энэ ажил эхэндээ олны хэл амны бай болж байв. Харин үр дүнг нь богино хугацаанд харсан иргэд “Замын ажлыг богино хугацаанд хийж болдог юм байна. Бүх түвшинд удирдаж гаргалгааг гаргаж гүйцэтгэж чадах баг Нийслэлд ажиллаж байна” гэдгийг ойлгон, хүлээцтэй хандах болжээ. Энэ жил бүгдээрээ хичээгээд, тэвчээд, зохицуулаад хотынхоо замын ажлыг нэгмөсөн хийснээрээ бид цаашид жил бүр төсвийн мөнгийг үргүй зарах асуудлыг нэг талд нь гаргаж чадлаа.

 Улаанбаатар хот жилд дунджаар 15-16 км зам засч, шинэчилдэг байсан бол энэ жил 162 км зам нэг дор засч, шинэчилж байна. Үүн дотор зөвхөн хучилт биш, шинэ зам, гүүр, нүхэн гарц зэрэг бүтээн байгуулалтууд байгаа бөгөөд авто замын түгжрэлийг бууруулах юм.

 ДАХИН ТӨЛӨВЛӨЛТИЙГ ЭРЧИМЖҮҮЛЖ, "20 МИНУТЫН ХОТ"-ЫГ ХЭРЭГЖҮҮЛНЭ 

Нийгмийн зайлшгүй хэрэгцээг үндэслэн хотын хөгжлийн ерөнхий болон хэсэгчилсэн ерөнхий төлөвлөгөөнд тусгагдсан дэд төвийн байршилд гэр хорооллын тэргүүн ээлжинд орон сууцжуулна. Үүний нэг томоохон ажил нь СХД-т хэрэгжиж эхэлсэн ”Толгойт дэд төв” юм. Дэд төвүүдийг байгуулснаар Нийслэл хотын хүн амын хэт төвлөрлийг сааруулах, иргэдийн төлбөрийн чадварт нийцсэн орон сууцны хангамжийг нэмэгдүүлэх, хүн амын эрүүл аюулгүй орчинд ажиллаж, амьдрах нөхцөлийг бүрдүүлэх, агаар, хөрс, орчны бохирдлыг тодорхой хэмжээгээр бууруулах зорилготой.

“Толгойт дэд төв”-ийн хүрээнд  үерийн хамгаалалтын байгууламж, орон сууцны барилгын гадна шугам сүлжээ, ус хангамж ариутгах татуурга, Толгойт сургалтын төв, 640 хүүхдийн Ерөнхий боловсролын сургуулийн барилга, эрүүл мэндийн төвийн барилгын газар чөлөөлөх ажлуудыг хэдийнээ гүйцэтгээд явж байна.

Энэ төв ашиглалтад орсноор СХД-ийн иргэд Эрүүл мэндийн, төрийн бусад үйлчилгээг авахын тулд түгжрэлд орох шаардлагагүй хамгийн ойроос бүх үйлчилгээг авах боломж бүрдэнэ.

 Сонгинохайрхан дүүрэг хийгдэх бусад бүтээн байгуулалтууд   

 Сонгинохайрхан дүүрэг 2020-2024 онд олон жилийн мөрөөдлөө биелүүлэн, Нийслэлийн төсвөөс татаас авахаа больж, санхүүгийн хувьд харьцангуй биеэ даасан билээ. Ингэснээр дүүрэг иргэдийнхээ саналын үндсэн дээр нэн шаардлагатай ажлуудаа өөрсдөө эрэмбэлж, гүйцэтгэх боломжтой болсон.   

 Ингэснээр, хийгдэж буй бүтээн байгуулалтууд илүү оновчтой, цаг үеэ олсон байдаг болж өөрчлөгдсөн билээ.

 Өнгөрсөн дөрвөн жилд Сонгинохайрхан дүүрэгт нийт 211,1 км авто замын бүтээн байгуулалтыг хийж, 96 байсан сургууль, цэцэрлэгийн тоог 125 болгон 30 хувь нэмэгдүүлжээ. Хууль бусаар олгогдсон гэх мэт шалтгаантай 276 байршлын 241,09 га газрыг нийтийн эзэмшилд авч, заримыг нь иргэдийн гаргасан саналын дагуу амралт чөлөөт цагийг өнгөрүүлэх орчин бүрдүүлж тохижуулсан байна.

 V хороонд 850 хүний суудалтай Хүүхэд, залуучуудын театр улсын төсвийн хөрөнгөөр барьж, 2024 оны эхний улиралд ашиглалтад орууллаа.

Түүнчлэн, дүүргийн нутаг дэвсгэрт баригдсан нийтийн орон сууц, барилгуудын дээвэр, фасад, дэд бүтэц, гэрэлтүүлэг, автобусны буудал, авто замын зогсоол, гүүрэн байгуулалт, эрүүл мэнд гэх нийт  520 гаруй төсөл хөтөлбөр хэрэгжүүлээд байна.

Хотын хөгжил дүүргээс эхтэй. Хөгжлийн бүтээх хөрөнгө оруулалтыг нийтийг төлөөлж сонгогдож буй асуудлаа ойлгодог, иргэдийн хэрэгцээ шаардлагыг зөв тодорхойлж, шийдвэрлэх арга замын болохоосоо болохгүй хүртэл хайж, эрэлхийлж байж бий болгодог. Энэ утгаараа Сонгинохайрхан дүүрэгт сүүлийн 20 гаруй жил байгаагүй их бүтээн байгуулалт өнгөрсөн 8 жилийн хугацаанд хийгджээ. Энэ бол иргэд төлөөлөгчдийн хамтын ажиллагаа, хамтын зүтгэл юм. Бид багаараа хийж байна. Үргэлжлүүлэн хийх болно.