ОХУ-ын "Нацпроектстрой" компани Монголд хийгдэх төмөр зам, авто зам, гүүрийн байгууламжийн төслүүдэд орж ажиллах сонирхлоо илэрхийлжээ. Тус компанийн захирал Алексей Крапивин Ерөнхийлөгч У.Хүрэлсүхтэй ажлын уулзалт хийх үедээ дээрх сонирхлоо илэрхийлсэн байна.
Уулзалтын үеэр А.Крапивин Монголын төмөр замын сайжруулалт, шинэчлэлт, Туулын хурдны зам зэрэг төслүүдэд орж үр дүнтэй хамтарч ажиллах боломжтойгоо илэрхийлж, Эгийн голын УЦС-ын бүтээн байгуулалт, Талын зам, Бүс ба зам санаачилгын хүрээнд Монгол, ОХУ, БНХАУ-ын хамтарч хэрэгжүүлэх төслүүдэд орж ажиллах боломжтой гэжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна