Оюутолгой XXK-ийн хангамжийн мафийн сүлжээ

“Оюутолгой”-н Хангамжийн хэлтсийн менежер Б.Сэржмаа болон түүнтэй хамт ажилладаг 10 жилийн найзууд болох Хангамжийн менежер Д.Амартүвшин, Ахлах Худалдан авагч Ч.Нэргүй нартай холбоотой өөр баримтууд дэлгэгдсээр байна.

Баримт1. Б.Сэржмаа нь “Оюутолгой” ХХК-д 10 сая долларын 3000 төрлийн бараа бүтээгдэхүүн нийлүүлэхийг 2016 оны 11 дүгээр сард Сингапурын “Мэргэн чадвар” хэмээх компанид тендергүйгээр өгсөн гэх асуудал энд яригдаж байгаа юм. “Мэргэн чадвар”буюу “SLS” компани нь 1963 онд Сингапурт үүсгэн байгуулагдсан бөгөөд “SLS bearings Mongolia” буюу “Мэргэн чадвар” ХХК хэмээх нэрээр 2013 оноос Монгол Улсад үйл ажиллагаагаа явуулж байгаа юм байна.

Баримт 2. Б.Сэржмаа болон түүний баг Хөдөлмөр хамгаалалын гутал, хувцас хэрэгсэл зэрэг 600 нэр төрлийн 5 сая долларын бараа бүтээгдэхүүн нийлүүлэхийг 2016 оны 9 дүгээр сард Ханбогд суманд бүртгэлтэй “Ханбогд Хөгжил” компанид мөн ямар ч тендергүйгээр өгчээ.

Баримт 3. Б.Сэржмаа болон түүний баг Ханбогд сумын хуучин засаг дарга Т.Буян-Өлзий, иргэдийн хурлын дарга Х.Нэхийт, Өмнөговь аймгийн иргэдийн төлөөлөгчөөр сонгогдсон Б.Эрдэнэ-Очир нарын үүсгэн байгуулсан ”Ханбогд Тээвэр Ложистик” хэмээх компанид ”Зэсийн Баяжмал тээвэрлэх” 10 сая долларын ажлыг ДАВУУ ЭРХ олгон 2016 оны 2 сард өгснөөс хойш өдийг болтол тус компани нь ажлаа эхэлж чадахгүй байгаа. Гэтэл гэрээний үүргээ 6 сарын хугацаанд биелүүлээгүй бол гэрээг цуцладаг Оюутолгой компанийн бодлого журам энэ компанид үйлчилдэггүй нь ардаа том татлаатай байгаагийн тод илрэл.

Баримт4. Аливаа хувийн ашиг сонирхол, хээл хахуулиас сэргийлэх зорилгоор санхүү, худалдан авалтын албан дах дүү, хамаатан садан, дотны найз нөхдийг хамт ажиллуулахаас сэргийлдэг. Гэтэл Оюутолгой компанийн Хангамжийн хэлтэс нь Б.Сэржмааг тойрсон найз нөхөд, ах дүү, хамаатан садангуудаар дүүрчээ. Тухайлбал Б.Сэржмаа болон Менежер Д.Амартүвшин, Ахлах Худалдан авагч Ч.Нэргүй, Ахлах худалдан авагч Г.Батбаяр, Худалдан Авагч Ц.Баярбат нар нь Дарханы 3-р сургуулийн нэг ангийн, нэг төгсөлтийн багийн найзууд, Худалдан авагч Г.Ундармаа нь Ч.Нэргүйн үеэл дүү, Худалдан авагч Б.Амартүвшин нь менежер Д.Амартүвшингийн хамаатан, Хангамжийн ажилтан Г.Наранцацралт нь Б.Сэржмаагийн хамаатан, Ахлах Худалдан авагч Н.Саранцэцэг нь Б.Сэржмаагийн дотны найз төдийгүй өмнө нь Гэр санаачлага төсөлд хамтдаа ажиллаж байсан зэрэг нэрсүүд хөвөрнө. Энэхүү мафийн гэж хэлж болохоор ах дүү, найз нөхдийн хэлхээ холбоо цаанаа ямар эрх ашгийг дэмжин хамгаалж, ямар зорилготой ажиллаж байгаа нь сонирхол татаж байгаа ...