Амгалан хотхонд дөрвөн айлын хаус шатаж, их хэмжээний хохирол учирчээ

Хан-Уул дүүргийн X хорооны нутаг дэвсгэрт байрлах Амгалан хотхонд өчигдөр /2017.04.22/ гал гарч, их хэмжээний хохирол учирчээ. Галын дуудлага НОБГ-т 23:25 цагт ирсэн бөгөөд онцгой байдлын гурван анги бүрэн бүрэлдэхүүнээрээ ажиллаж галыг унтраасан байна.

Эх сурвалжийн мэдээлж буйгаар Амгалан хотхонд байрлах дөрвөн хаус галд өртсөн ч азаар хүний амь эрсдээгүй байна. Галын шалтгааныг тодруулахаар хууль, хяналтынхан ажиллаж байгаа аж.

Т.Хэрлэн