31 дэх удаагийн Италийн супер цомын төлөөх тоглолт өнөөдөр Саудын Араб улсад Исламын ертөнцийн ариун хотуудын нэг гэгдэх Жедда хотын 62.600 хүний суудалтай King Abdullah Sports City цэнгэлдэх хүрээлэнд болно. Энэ жилийн супер цомын төлөө Сери А лигийн аварга Ювентус, түүхт багуудын нэг АС Милан клубууд өрсөлдөнө. Тэмцээний түүх 1988 оноос эхлэлтэй бөгөөд энэ жил цомын төлөө өрсөлдөх Ювентус болон АС Милан багууд 7 удаа түрүүлсэн амжилтаар бусад багуудаа тэргүүлдэг юм. Турин хотын Ювентус клуб энэ италийн супер цомын төлөө 2012 оноос тасралтгүй өрсөлдөж байгаа бөгөөд 3 удаа түрүүлсэн амжилтыг үзүүлсэн. Харин 2014 онд Наполи, 2016 онд Милан, 2017 онд Лациод хожигдсон байна. 2016 онд АС Милан, Ювентус багууд цомын төлөө өрсөлдөхөд үндсэн цаг 1-1 харьцаагаар өндөрлөж, торгуулийн цохилтоор Милан хожиж байжээ.
Сэтгэгдэл бичигдээгүй байна