Ж.Байгалмаа: Илэрсэн 32 тохиолдлын нэгийнх нь халдварын эх уурхай ТОДОРХОЙГҮЙ байна

Эрүүл мэндийн яамнаас мэдээлж байна. 

ХӨСҮТ-ийн Халдварт өвчний тандалт, судалгааны албаны дарга Ж.Байгалмаа "Улсын хэмжээнд өчигдөр 17,529 хүнд шинжилгээ хийхэд 32 хүнээс халдвар илэрлээ.

Сүүлийн 24 цагт зөөвөрлөгдсөн тохиолдол бүртгэгдээгүй. 32 тохиолдол бүгдээрээ Улаанбаатар хотод бүртгэгдсэн. 

Шинээр илэрсэн 32 тохиолдлын найм нь "Нэг хаалга-Нэг шинжилгээ" ажлын үеэр илэрсэн тохиолдлуудын хавьтал бол 23 нь өмнөх батлагдсан тохиолдлуудын хавьтлаас илэрсэн. Мөн нэг хүний халдвар авсан эх уурхайг тогтоохоор ажиллаж байна.

Дотоодын халдварыг танилцуулбал,

• Улаанбаатар хотод-2,187 /сүүлийн хоногт 32 тохиолдол нэмэгдэв/
• Орхонд-25
• Архангайд-3
• Сэлэнгэд-217
• Дархан-Уулд-45
• Говьсүмбэр-4
• Дорноговь-32 тохиолдол тус тус бүртгэгдээд байна.