Завхан аймагт Улаанбаатараас очсон хоёр иргэний PCR шинжилгээний хариу эерэг гарчээ

С.Гандэлгэр
2021/03/03

Завхан аймагт коронавируст халдварын хоёр тохиолдол бүртгэгдсэн тул аймаг руу орох гарах хөдөлгөөнийг хязгаарлажээ.

Тодруулбал, Завхан аймгийн Шилүүстэй суманд хоёрдугаар сарын 27-ны өдөр буюу өнгөрсөн Бямба гарагт Улаанбаатар хотоос очсон иргэн болон түүний ээжийн PCR шинжилгээний хариу өнөөдөр эерэг гарч, коронавируст халдварын батлагдсан хоёр тохиолдол бүртгэгдсэн талаар Завхан аймгийн Онцгой комиссоос мэдээллээ.

Иймд тус аймгийн Шуурхай штабаас Завхан аймаг руу орох, хөдөлгөөнийг түр хязгаарлаж, сургууль, цэцэрлэгийн үйл ажиллагааг гуравдугаар сарын 9-ний өдөр хүртэл цахимаар хичээллүүлэхээр шийдвэрлэсэн байна.




Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна