УИХ-ын чуулганы нэгдсэн хуралдаан ирц хангалтгүйн улмаас өнгөрөгч долоон хоногоос хойш хуралдаж чадахгүй байгаа билээ. С.Амарсайханыг ХЗДХ-ийн сайдаас чөлөөлсөн Ерөнхий сайд Н.Учрал УИХ-ын гишүүн Г.Тэмүүлэнг томилох гээд чадахгүй байна гэсэн үг.
Нэг талд УИХ дахь Ардчилсан намын бүлгийн гишүүд Ерөнхий сайд Н.Учралыг "Итгэл үзүүлэх" асуудлаа УИХ-ын чуулганаар оруул хэмээн "бойкотолж", чуулгандаа суухгүй байгаа. Харин нөгөө талд УИХ дахь МАН-ын бүлгийн Л.Оюун-Эрдэнэ, Д.Амарбаясгалан тэргүүтэй 30-ын талын гишүүд чуулганы ирцдээ орохгүй байгаа нь анхаарал татаж буй.
Боловсролын сайд Л.Энх-Амгалан Ерөнхий сайд Н.Учралын хамаарал бүхий сургууль төсвөөс 3.5 тэрбум төгрөгийн санхүүжилт авахаар материалаа ирүүлсэн гэх мэдээлэл “Ор үндэслэлгүй” гээд энэ мэдээллийг анх гаргасан УИХ-ын гишүүн А.Ариунзаяаг “Ордны түгжил”, түүний бэр гишүүн О.Саранчулууныг бусдын даалгавраар сэвсэн гэж олон нийтэд мэдэгдсэн учраас чуулгандаа суухгүй хэмээн зарим УИХ-ын гишүүн мэдэгдээд байгаа юм.
Тэгвэл Боловсролын сайд Л.Энх-Амгалан УИХ-ын чуулганы ирцийг бүрдүүлэхийн тулд А.Ариунзаяа, О.Саранчулуун нараас уучлалт гуйхаар болсон ч олон нийтийн өмнө биш өрөөнд нь орж уучлалт гуйя гэжээ.
Харин нөгөө талаас хэвлэл мэдээллээр дамжуулан А.Ариунзаяа, О.Саранчулуун нарын нэр төрд халдсан учраас уучлалт гуйхдаа ч хэвлэлд нээлттэйгээр уучлалт гуйх ёстой гэсэн хатуу байр сууртай байгаа аж.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.89.13
3uula zail tigjiluud
Хариулах64.119.19.18
Улс орныхоо асуудлыг 1д тавиачээ та нар
Хариулах64.119.20.71
Бүр өргөдлөө өгөөд гарчих
66.181.176.216
Жинхэнэ сэвсэн хүн нь Боловсролын сайд тул цахим орчинд уучлалт гуйх нь ёс зүйд нийцнэ.
Хариулах