Өнгөрсөн долоо хоногт нээлтээ хийсэн “Сайн аав” уран сайхны кино үзэгчдийн дунд эрэлт ихтэй байгаа билээ.
Уг киноны гол дүрийг бүтээсэн жүжигчин Жавхлан уран бүтээлийнхээ нээлтийн үеэр гадаадад ажлаар яваа сураг дуулдаж байсан бол өнөөдөр тэрбээр эх орондоо ирэх юм байна. Ирсэн даруйдаа гол дүрд нь тоглосон “Сайн аав” киногоо үзэх гэнэ.
Итгэл найдвар, хайр, итгэлийн тухай өгүүлэх тус киног УБ такси компаний жолооч Т.Даваасүрэн агсаны бодит амьдарлаас сэдэвлэн бүтээжээ.Т.Даваасүрэн агсан амьд ахуйдаа амьдралын хатуу хөтүү хүнд бэрхийг үл ажран хэрхэн яаж сөрж тэмцэж явсныг энэхүү кинонд тодорхой харуулсан байна.
Аавын тухай олон сайхан кино байдгыг Монголын ард түмэн мэднэ. Харин энэ кино тэдгээр кинонуудын нэг болж,орчин үеийн Монголын олон аавуудад үлгэр дууриал болохуйц сайн бүтээл болж чадсаныг үзэгчид төдийгүй мэргэжлийн уран бүтээлчид хэлж байгаа юм.
Т.Хэрлэн
Сэтгэгдэл бичигдээгүй байна