Таны төлөх татвар яаж нэмэгдэх вэ?

Монгол Улсын Засгийн газар ОУВС-ийн Өргөтгөсөн хөтөлбөрт хамрагдах болсноо өчигдөр  албан ёсоор зарласан. Тодруулбал Засгийн газар ОУВС-аас өгсөн  үүрэг чиглэлийн дагуу  бодлого явуулах юм. Үүний нэг нь  төсвийн орлогыг нэмэгдүүлэх, зарлагыг багасгах  бодлого. Төсвийн бодлогын хүрээнд  татвар нэмэгдүүлэх  7-8 арга хэмжээ авч хэрэгжүүлэхээр байгаагаа  албан ёсоор мэдээлсэн юм. Өөрөөр хэлбэл иргэн, аж ахуй нэгжийн  халааснаас  гардаг татвар яаж нэмэгдэх вэ? 

Төсвийн орлогыг нэмэгдүүлэх чиглэлээр 

 Шатахууны онцгой албан татварыг 7 дугаар сарын 1-нээс нэмэгдүүлнэ.
 ХХОАТ-ыг шатлалтай болгоно. Орлогын түвшингээс шалтгаалаад 10, 15, 20 хувь болгоно.
 Нийгмийн даатгалын шимтгэлийг 2017-2019 онд 2, 1, 2 хувиар нэмэгдүүлэх шаардлага зайлшгүй үүсч байна.
 Суудлын автомашины онцгой албан татварыг насжилтаас нь хамаарч 3-15 хувиар нэмэгдүүлнэ.
 Тамхи, согтууруулах ундааны татварыг 2018 онд 10 хувь, 2019 онд 5 хувь, 2020 онд 5 хувиар нэмэгдүүлнэ.
 Хадгаламжийн хүүгийн орлогод татвар ногдуулна. 2017 оны дөрөвдүгээр сарын 1-нээс мөрдөнө.
 Импортын тамхинд байгаа гаалийн албан татварыг 30 хувь хүртэл нэмэгдүүлнэ.
 Татварын удирдлагыг сайжруулах, татварын орлогыг нэмэгдүүлэхээр ажиллана.

Төсвийн зарлага бууруулах чиглэлээр:

 Тэтгэвэрт гарах насыг нэмэгдүүлж, 2026 он гэхэд эрэгтэй хүний тэтгэвэрт гарах насыг 65 болгох, 2036 он гэхэд эмэгтэй хүний тэтгэврийн насыг 65 болгоно.
 Ирэх хоёр жилдээ цалингийн зардлыг нэмэх бололцоо байхгүй.
 2019 оноос хүүхдийн мөнгийг нийт хүүхдүүдэд өгөх боломжгүй.Одоо 60 хувьд өгч байгааг зорилтот бүлгийн 40 хувь болгоно.  Нийгмийн халамжийн давхцаж буй олон арга хэмжээг цэгцэлнэ.