Сар шинийн өдрүүдэд гэр хороолол чиглэсэн зам, орон нутгийн замд ачаалал үүсдэг. Өнөөдөр буюу шинийн 1-ний өдөр 15:00 цагийн байдлаар Төв шуудангийн уулзвараас 5 шар хүртэлх зүүнээс барууныг чиглэсэн зам, Сансарын аюулгүйн тойргоос Өлзий төв хүртэлх, Чингэлтэй өргөн чөлөө 32-н тойргоос 7-н буудал, Хайлааст хүртэл, мөн Нарантуулын уулзвар хойноосоо урагш чиглэлийн замуудад хөдөлгөөний ачаалал нэмэгдэж, тээврийн хэрэгслийн хөдөлгөөн удааширсан байна.
Иймд баярын өдрүүдэд жолооч та дээрх чиглэлээс бусад буюу Бага тойруу, Залуучуудын өргөн чөлөө, Яармагийн зам, 120 мянгатын зам, Говийн зам зэрэг бусад замыг сонгон хөдөлгөөнд оролцохыг зөвлөлөө. Мөн Энхтайваны өргөн чөлөөгөөр хөдөлгөөнд оролцож байгаа жолооч нар 1-р эгнээгээрээ зорчихыг зөвшөөрчээ. Баярын өдрүүдээр хөдөлгөөний эрчмийг зохицууулах зорилгоор замын цагдаагийн албанаас энэхүү зохицуулалтыг хийж байгаа аж.
Мөн иргэд, олон нийтэд цаг агаарын нөхцөл байдал, замын хөдөлгөөний ачааллын мэдээлэл, сэрэмжлүүлгийг Авто радио 96.3-аар 15-20 минут тутамд мөн traffic.police.gov.mn, Замын цагдаагийн алба facebook хаягаар тогтмол өгч байна.
Улсын хэмжээнд ажиллаж буй 28 Авто Зам Засвар Арчлалтын компаниудаас замын байдал хэвийн , зорчигчид саадгүй зорчиж, ихэнх нутгаар тэнгэр цэлмэг, нартай, хур тунадасгүй , Шуурхай ажлын хэсгүүд бэлэн байгаа тухай мэдээлсэн байна.
Б.Сондор
Сэтгэгдэл бичигдээгүй байна