Өнгөрөгч даваа гарагт Санкт-Петербург хотын метронд томоохон халдлага гарч, олон хүний амь нас, эрүүл мэнл эрсдэлд ороод байсан юм. Харин Оросын цагдаагийн байгууллага уг халдлага үйлдсэн этгээдийг олжээ. Оросын Мөрдөн шалгах хорооны мэдэгдсэнээр, киргиз гаралтай 22 настай Акбаржон Жалилов гэгч залуу метронд өөрийгөө дэлбэлсэн байна. Халдлагын улмаас амиа алдсан хүмүүсийн тоо 14-д хүрээд байгаа юм.
Халдлага болсон өдөр ойролцоох метроны буудлаас өөр нэгэн тэсрэх төхөөргийг илрүүлэн аюулгүй болгосон билээ. Уг тэсрэх төхөөрөг байсан цүнхнээс сэжигтний ДНХ-г бид олж илрүүлсэн гэж мөрдөн шинжээчид хэлэв. Киргиз гаралтай Оросын иргэн уг халдлагад холбоотой байж магадгүй гэж Киргизстаны Үндэсний аюулгүй байдлын хороо өмнө нь мэдэгдэж байсан юм.
Э.Сугар
Сэтгэгдэл бичигдээгүй байна