О.Цогтгэрэл АН-ын даргаар томилогдсоноос хойш Ардчилсан намын бүлгийн даргын суудал хэнд шилжих талаар яригдаж эхэлсэн. Гэвч өнөөдрийг хүртэл тус асуудлыг шийдээгүй байсан ба дараа 7 хоногоос шинэ бүлгийн даргатай болохоор болжээ.
Энэ талаар УИХ-ын гишүүн Ч.Лодойсамбуугаас тодрууллаа.
Тэрбээр, “ АН-ын бүлгийн даргыг долоо хоногийн дараа сонгохоор боллоо. Бие даасан, хэн нэгний гар хөл шургаагүй сөрөг хүчин болох ёстой. Бүлгийн даргыг шууд дайн тулаанд ордог жанжин, дайчин гэж дүгнэх хэцүү. Тэр бүлгийн 42 гишүүнтэйгээ ажиллана. Эвийг хангах асуудал их чухал.
Бүлгийн дарга намын даргыг хавсарч хийнэ гэдэг тун хэцүү. Одоо нэр дэвшиж байгаа хүмүүсээс юу хүсэх вэ гэвэл бүлгийг эрх барьж байгаа намын хамгийн том албан тушаалтангаас ямар нэгэн нөлөө авдаггүй байх зарчимтай байгаасай гэж бодож байна.
Ер нь бол бид хэнээс ч чиглэл авдаггүй бие даасан сөрөг хүчин, нам болох ёстой. Хөндлөнгийн эрх баригчдын хуруу хөл нь орж ирээд ажил бусниулаад байж болохгүй" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна