Эцэг эхчүүдээ амралтын өдөрт зориулж та бүхэнд бэлдсэн дараах зөвлөмжийг уншаад амьдралдаа хэрэгжүүлж байхыг хүсье. Алдрай бяцхан үрс минь хэн болж төлөвших нь та биднээс шууд хамааралтай. Тиймээс ирээдүй болсон хүүхдийнхээ төлөө өөрсдөө ч цаг тутамд суралцаж зөв үлгэр дуурайл болж байгаарай.
1. Хөгжмийн хичээл
Хөгжмөөр хичээллэдэг хүүхдийг хичээллэдэггүй хүүхэдтэй харьцуулахад IQ илүүтэй байгаа нь илэрчээ. Ер нь хөгжим хүүхэд төдийгүй бүх насныхны тархины ажиллагаанд тустай.
2. Дасгал хөдөлгөөн
Дасгал хөдөлгөөн байнга хийж биеийн зөв хөгжилтэй байх нь тархийг бас хөгжүүлдэг. Судалгаагаар дасгал хийсний дараа хүмүүс шинэ үгсийг 20% хурдан цээжилж байжээ.
3. Уншиж өгөх бус түүнтэй хамт
Уншиж сураагүй хүүхдэд зөвхөн ном уншиж өгөх нь үр дүнгүй. Харин зэрэгцэж унших буюу уншиж байгаа үгнүүдэд хүүхдийнхээ анхаарлыг хандуулбал цаашдаа хурдан уншиж сурдаг гэнэ.
4. Нойр дутагдал хүүхдийг тэнэг болгодог
Нэг цагийн дутуу нойр 6 дугаар ангийн хүүхдийг 4 дүгээр ангийн хүүхэд шиг болгодог. Нэгэн эрдэмтний хэлснээр “нэг цагийн дутуу нойр хоёр жил юу ч суралцаагүй, таньж мэдээгүй өнгөрөөсөнтэй тэнцэнэ” гэжээ. Тиймээс хүүхдийг сайн унтуулж амрааж байх нь маш чухал.
5. Хувийн сахилга батгүй бол өндөр IQ-ийн хэрэг байхгүй
Хичнээн оюуны өндөр хөгжилтэй байлаа ч хувийн сахилга бат, зохион байгуулалтгүй бол амьдралд амжилт олохгүй. Тиймээс хүүхдийнхээ сахилга бат, хувийн зохион байгуулалтанд онцгой анхаарах хэрэгтэй.
6. Зөв цагт баярлуулах
Судалгаагаар кофейн болон чихэр нь тархийг идэвхжүүлдэг нь батлагдсан. Тиймээс хүүхдээ хичээл хийж байхад нь эсвэл түр завсарласан үед нь амттан өгч баярлуулбал том шагнал болохоос гадна тархины ажиллагааг нь идэвхжүүлнэ.
7. Аз жаргалтай хүүхэд амжилт авчирна
Сэтгэл дүүрэн, аз жаргалтай өссөн хүүхэд том болоод ажил амьдралдаа мөн амжилттай байдаг. Үүнийн үндэс нь аз жаргалтай гэр бүл, эцэг эх. Тиймээс хүүхдийнхээ ирээдүйг бүтээхээ өөрсдөөсөө эхлэх хэрэгтэй.
8. Хүрээллийн асуудал
Хүүхдийн тань суралцах чадвар хамт сурдаг, хамт дотуур байрны өрөөнд суудаг хүүхдүүдээс бас хамаардаг. Судалгаагаар сурлага муутай хүүхдийг сайн сурлагатай хүүхэдтэй нэг өрөөнд хэсэг амьдруулахад оюуны чадвар нь нэмэгдсэн үр дүн гарчээ.
9. Тэдэнд итгэл үзүүл
Хүүхдээ бусдаас ухаалаг гэдэгт итгэж байгаагаа харуулбал хүүхдийн тань суралцах чадвар нэмэгддэг. Судалгаагаар эрдэмтэд нэг ангийн хүүхдүүдээс санамсаргүйгээр хэсэг хүүхэд сонгоод тэднийг онцлон бусдаасаа илүү суралцах чадвартай болохыг нь дуулгажээ. Үүнээс өөр ямар ч арга хэмжээ авсангүй орхисон байна. Харин хичээлийн жил дуусахад нь шалгахад тэдний 30 хувийнх нь IQ 22 оноогоор нэмэгдэж, бусад нь доод тал нь 10 оноогоор ахисан байжээ.
Т.Очир
Сэтгэгдэл бичигдээгүй байна