Xүнсний 400 гаруй дэлгүүрээр нөөцийн мах борлуулна

Нийслэлийн хүн амын хаврын улирлын махны хангамж, нийлүүлэлт, үнийг тогтвортой байлгах зорилгоор арилжааны банкны шаардлага хангасан 17 аж ахуйн нэгж нийт 11 мянган тонн махны нөөцийг бүрдүүлжээ. Нөөцийн махыг өнөөдрөөс эхлэн хүнсний 400 гаруй дэлгүүрээр худалдан борлуулах бэлтгэл ажлыг Улаанбаатар хотын Захирагчийн ажлын албатай хамтран зохион байгуулж байна.

Түүнчлэн 2020 онд худалдаалж байсан үнээр буюу:

• Хонины ястай махыг килограмм нь 6,700 төгрөг,
• Үхрийн ястай мах 7,700 төгрөг,
• Ямааны мах 6,200 төгрөгөөр борлуулахаар зохицуулжээ.

Мөн стандартын шаардлага хангасан мах бэлтгэсэн талаар холбогдох байгууллагаас мэдээллээ.