ТЦА: Хот руу чиглэсэн автомашины хөдөлгөөн нэмэгдэж байгаа тул АЮУЛГҮЙ байдлаа хангахыг САНУУЛЛАА

Сар шинийн баяр, амралтын өдрүүдэд гарсан зам тээврийн осол хэргийн үзүүлэлтийг 2019 оны мөн үетэй харьцуулахад:

•  Гэмтсэн хүн улсын хэмжээнд 27.9 хувь
• Нийслэлд 50.0 хувь
• Согтуугаар тээврийн хэрэгсэл жолоодсон зөрчил улсын хэмжээнд 3.7 хувь өсчээ. 
• Нийслэлд 21.1 хувь тус тус буурч, гэмтсэн хүн орон нутагт 23.1 хувь,  нийслэлд хоёр дахин согтуугаар тээврийн хэрэгсэл жолоодсон зөрчлийн илрүүлэлт орон нутагт 31.9 хувь тус тус өссөн үзүүлэлттэй байна.

Мөн цагдаагийн байгууллагаас олон улсын болон улсын чанартай 10200 км хатуу хучилттай автозам болон 360 сум, суурин газрыг холбосон замуудад цагийн менежментээр цагдаагийн төрөл, мэргэжлийн албадын алба хаагчид 50 км тутамд, удирдах бүрэлдэхүүн 100 км тутамд хяналт тавин 24 цагаар орон нутагт 231 хяналтын цэгт 550, нийслэл хотод 247 цэгт 800-1000 гаруй алба хаагч үүрэг гүйцэтгэн ажиллажээ. Үүний үр дүнд олон улсын болон улсын чанартай автозамд ноцтой зам тээврийн осол бүртгэгдээгүй бөгөөд баярын өдрүүдэд гарсан 2 хүний амь хохирсон осол нь суурин газар /хашаан дотор/-т болон цагдаагийн алба хаагчийн хяналт тавих боломжгүй газарт бүртгэгдсэн байна.

 Эдгээр өдрүүдэд нийслэл хотоос 30000 мянган тээврийн хэрэгсэл орон нутгийн чиглэлд хөдөлгөөнд оролцсон байна.

 Оюутан, сурагчдын улирлын амралт дуусаж, хичээл эхлэхтэй холбоотойгоор нийслэл хот руу чиглэсэн тээврийн хэрэгслийн хөдөлгөөний эрчим ачаалал ихсэх хандлагатай байгаа тул иргэд жолооч та бүхэн аюулгүй байдлаа хангаж, зам орчны байдалд хурдаа тохируулж хөдөлгөөнд оролцохыг цагдаагийн байгууллагаас та бүхэнд анхааруулж байна.