Супер-хүн бүтээх хүсэлдээ автсан эцгийнхээ ХАРГИС ТУРШИЛТАД 18 жил зовсон Мауд Жулиены ЦОЧИРДОМ ТҮҮХ


Супер хүн бүтээх хүсэлдээ автан галзуурсан гэмээр нэгэн эр өөрийн төрсөн охины амьдралыг там болгосон түүхийг ЗӨВ.МН бэлтгэн хүргэж байна. 

How Maude Julien survived a brutal childhood | | Express Digest

1957 оны аравдугаар сарын 23-ны өдөр Мауд Жулиен энэ хорвоод мэндэлжээ. Түүний эцэг Луи Дидиер 50 насандаа ердөө 22 настай Женин охинг эхнэрээ болгосон нь хэсэгтээ л хотын иргэдийн ярианы сэдэв болжээ. Амжилттай яваа бизнес эрхлэгч Луид охиноо гэргий болгон өгсөн ядуу уурхайчин эцэг эх нь Женин охиныхоо ирээдүйг нэг их санаа зовсонгүй.

A father's cruel mission to create 'The Only Girl in the World' | MPR News

Гэсэн ч Дидиерын Женинтэй гэрлэсэн цор ганц шалтгаан бол хүүхэдтэй болж, түүнийгээ төрсөн цагаас нь эхлэн супер хүн болгон өсгөх байв. 


How Maude Julien survived a brutal childhood | | Express Digest
Бяцxан Мауд охинд чөлөөт цаг, тоглож наадах хүүхэд нас байсангүй. Маудыг таван настай байхаас эхлэн тархийг нь эцэст нь тултал хөгжүүлж, супер хүний тархи болгонo хэмээн улайрсан эцэг нь өдөр шөнөгүй хичээл орж, боловсролоор ''нүддэг'' байв.

Maude Julien: 'How I escaped from my father's cult' | Life and style | The  Guardian

Гэрээс гарах завгүй, эрхгүй охин бусадтай харилцах ямар ч боломжгүй байсан бөгөөд элдэв хэрэгцээгүй зүйл шулганаж, чалчиж болохгүй гэх эцгийнхээ үгнээс айсандаа нэг ч найзгүй, ярилцах хүнгүй хүүхэд насаа өнгөрөөжээ. Охины цор ганц найзууд нь гэрийн тэжээвэр амьтад нь байв. 


How Maude Julien survived a brutal childhood | | Express Digest
''Супер хүн нь амьтадтай ойлголцож чаддаг байх ёстой гэж эцэг минь итгэдэг байсан нь надад зол болсон гэх үү дээ. Хайртай амьтад минь дэргэд байгаагүй бол би аль хэдийн галзуурчихсан байх байлаа.''

Photos de Maude Julien - Babelio.com

Охины шахуу хуваарь, бэлтгэл, дасгалууд дотор хөгжмийн хичээл багтдаг байв. Дидиер супер хүн бүх хөгжмийн зэмсгийг тоглож чаддаг байх ёстой хэмээн итгэдэг байсан тул охиноо бүх хөгжмийг төгс тоглож сурахыг шаарддаг байлаа. Мөн хүүхэд үг хэлэх, ярих нь тэдний тархи хөгжихөд садаа болж, юмсыг ухаалгаар бодоход нь сөргөөр нөлөөлж байдаг гэж үзсэн тул охиндоо ''Ухаантай юм л хэлэхгүй бол нэг ч үг битгий хэл'' хэмээн үргэлж захидаг байжээ.

The girl who was raised by the superman: the scary story of Maud Julien

Балчир охин ухаалаг зүйлс хэлэхийг хичээх ч ''ухаалаг үгс'' эсвэл ''хэрэггүй чалчаа үг'' хоёрыг сайн ялгаж мэдэхгүй тул дуугүй байх нь хамгийн зөв сонголт болжээ. 

Хожим чимээгүй байх ёстой гэсэн дарамтад хэтэрхий удаан явснаасаа болж цэцэрлэгч эрд хүчиндүүлж байхдаа ганц ч авиа гаргаагүй гэдэг. 


How Maude Julien survived a brutal childhood | | Express Digest
Дидиер охиноо үргэлж ойроос ажиглаж, сул тал бүрийг нь тэмдэглэж авч, үүнийг хэрхэн үгүй хийх талаараа ''өдрийн бодол шөнийн зүүд'' болдог байв. Нэг өдөр охиноо мэрэгч амьтдаас айхыг нь харсан Дидиер Маудыг хөл нүцгэн чигээр нь мэрэгч амьтдаар дүүрсэн зооринд оруулж хаалгыг нь түгжжээ. Эцгийнх нь энэ хүн бус үйлдлийг эх нь огтхон ч хориглоогүйгээр барахгүй, нөхрийнхөө зөв хэмээн хэлсэн нь охиныг амьдрах итгэл найдваргүй болгожээ.


Охин тав тух гэдэг зүйлийг ганц ч удаа мэдрэхгүйгээр хүүхэд насаа өнгөрөөв. 


How Maude Julien survived a brutal childhood | | Express Digest


Хэрцгий аав нь супер хүн болохын тулд оюун ухааны хүч сайтай байхаас гадна биеийн чадал тэнхээ ч мөн сайн байх ёстой хэмээн үздэг байсан учир охиныхоо унтах цагийг бага багаар багасгаж, цэв хүйтэн халаалтгүй өрөөнд нимгэн хувцастай унтуулж, ямар ч шим тэжээлгүй, амтгүй хоол өгдөг байв. 
Үүгээр ч зогсохгүй охиныг хүйтэн усанд оруулж, ердөө есөн настайд нь биеийг нь спиртэд дасгах нэрийдлээр нэг аяга виски хоолных нь үеэр уулгадаг болжээ. 

HOLD ON FOR TEN MINUTES': Daughter reveals dad's torture | Sunshine Coast  Daily

Галзуурсан эцгийнхээ гарт өнгөрөөсөн там мэт он жилүүд 16 насанд нь төгсөх шатандаа орлоо. Эцэг нь хөгширч, нас явсан тул охиндоо өөрөө хөгжмийн хичээл зааж чадахгүйд хүрч, нэгэн хөгжмийн багш хөлсөлсөн нь охиныг хүчирхийлэл дунд амьдарч буйг ажиглаж мэдээд ''өөрийн байрандаа хөгжмийн хичээл орно'' хэмээн эцгийг нь ятгаж чадав. Ингээд охин хөгжмийн багшийнхаа гэрт ирдэг болсноос хоёр жилийн дараа багшийнхаа мэдлийн хөгжмийн дэлгүүрт худалдагчаар ажилд орж, тэндээ ирээдүйн нөхөртэйгөө танилцсанаар хүчирхийлэл дунд амьдарсан 18 жил өндөрлөсөн байна.

Girl's father tortured her for a decade to make her 'superhuman' - NZ Herald

Хүүхэд насанд хүний хүмүүжил, төлөвшлийн суурь, хамгийн чухал хөгжил явагддаг, гэтэл уг үе шатыг алгасаж, аймшигт хүчирхийлэл дунд амьдарсан охинд эгэл жирийн нийгэмд дасан зохицох амар байсангүй. Шим тэжээлгүй хоол хүнс хэрэглэж, авах ёстой амин дэмээ авч чадаагүй тул шүд нь өвчилж, эрүүл шүд үлдсэнгүй. Бага наснаасаа тогтмол согтууруулах ундаа хэрэглэсэн охины элэг муудсан байлаа.


Femmes otages : s'arracher à l'enfer


Гэсэн ч Мауд амьдралаа шинээр эхэлж, сэтгэл зүйч мэргэжлээр суралцаж төгссөн бөгөөд өөрийн амьдралын туулж өнгөрүүлсэн бүхнээ ном болгон хэвлүүлсэн нь дэлхий даяар алдартай болж  олон сая борлуулагдсан байна.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна