Нутаг нэгт, жүдогийн бэлтгэл хангахад нь гол нөлөө үзүүлж, дэмжиж ирсэн Монгол Улсын өсөх идэр начин Э.Энхбатыг архины шилээр зодон, хүнд гэмтэл учруулсан хэрэгт холбогдуулан МҮОХ-ны ерөнхийлөгч Н.Түвшинбаярыг цагдан хориод буй билээ.
Түүнийг цагдан хорьж шалгах хугацаа тавдугаар сарын 5-ны өдөр дууссантай холбоотойгоор Хан-Уул дүүргийн Цагдаагийн газрын I хэлтсийн мөрдөгч үргэлжлүүлэн хорих саналаа хэрэгт хяналт тавьж буй тус дүргийн Прокурорын газрын хяналтын прокурорт гаргасан юм. Уг саналыг нь дэмжиж прокуророос Н.Түвшинбаярын цагдан хорих нэгдүгээр хугацааг нэг сарын хугацаагаар сунгуулах тухай саналаа энэ сарын 4-нд Хан-Уул дүүргийн Эрүүгийн хэргийн анхан шатны шүүхэд хүргүүлсэн байна. Шүүх уг саналыг хянан хэлэлцээд Эрүүгийн хэрэг хянан шийдвэрлэх тухай хуулийн 14.9-1.2-т заасан “Шүүгч, прокурор, мөрдөгч, хохирогч, гэрч, шинжээч, гэмт хэрэг хамтран үйлдсэн хүнийг дарамталсан, сүрдүүлсэн, эсхүл тэдгээрийн болон өөрийн амь нас, эрүүл мэндэд аюул учруулах үндэслэл бүхий баримт, мэдээлэл байгаа бол цагдан хорих шийдвэр гаргана” гэснийг үндэслэн цагдан хорих хугацааг 15 хоногоор сунгалаа.
Эх сурвалжуудын мэдээлснээр “Ковид-19”-ийн халдвар авсан учраас түүнийг дахиж байцаагаагүй бөгөөд 15 хоног хорих хугацаа дууссаны дараа батлан даалтад гаргаж болзошгүй гэнэ.
Түүнд зодуулсан улсын начин Э.Энхбатыг БНСУ-д эмчлүүлэхээр тусгай үүргийн онгоцоор ГССҮТ-ийн эмч, сувилагч нарын хяналт дор хүргэсэн бөгөөд биеийн байдал нь хэрхэж буй талаар ямар нэг мэдээллийг Солонгосын эмнэлгийнхэн өгөөгүй байгаа сурагтай. Юутай ч Э.Энхбатыг хүлээж авахдаа “Жаахан удсан бол хэцүүдэх байсан” гэх утгатай зүйл хэлсэн аж.
ARSLAN.MN
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.17.242
Shudarga shuuh baihgui bolood udaj bna shu dee,buh uym zahialhaar
Хариулах192.82.72.136
адгууснаас дор новш хуулгайч
Хариулах213.55.225.41
Энгийн иргэн байсан бол аль хэдийн суучихсан хүнийг санаатайгаар хүний аминд хүртэл зодсон онц хэрцгий үйлдэл гаргаж хоаироосон гэж байгаа да. Мөнгөтөй эрх мэдэлтэй , ерөнхийлөгчийн гар хөл гээд ингэж байгаа ч дээд тэнгэр адилхаг гэсгээх л болно
Хариулах150.129.140.101
Энхбат маань яаж байгаа бол ухаан орсон байлгүйдээ хурдан л тэнхэрээсэй
Хариулах66.181.179.51
Өөрийнхөө асуултад өөрөө хариулаад л
192.82.90.161
шүүхийн ажлыг урьдчилж таамаглаж бичихээ болимоор юмаа ямар шийдвэр гаргах нь шүүх эрх мэдлийн асуудал биз дээ хүн болгон л мэдэхгүй зүйлээ мэдэмхийрдэг өвчин тусчээ
Хариулах