Юки Китазуми, /ВВС/
Өнгөрсөн сард баривчлагдаж, “”Хуурамч мэдээлэл түгээсэн” хэрэгт буруутгагдаад байсан япон сэтгүүлчийг Мьянмарын эрх баригчид суллахаар болжээ.
Юки Китазуми нь Мьянмарт ажиллаж байсан бөгөөд хоёрдугаар сард болсон төрийн эргэлтээс хойш тус улсад баривчлагдсан цорын ганц гадаадын сэтгүүлч болсон юм. Эрх баригчдын мэдэгдэлд "Тэрээр хууль зөрчсөн нь нотлогдсон ч Японы талын хүсэлтийн дагуу суллаж байгаа" гэж онцолжээ.
Юки Китазуми энэ жил 45 настай. Өнгөрсөн дөрөвдүгээр сарын 18-нд Янгон хотоос баривчлагдсан юм. Тэрээр тулгасан гэм буруугийн хүрээнд шийтгэгдсэн бол гурван жилийн ял сонсох байв. Харин эрх баригчид Японтой харилцаагаа сайжруулахын тулд түүнийг шийтгэлгүй суллахаар шийдсэн байна. Гэрт нь явуулсан үзлэг нэгжлэг, мөрдөн байцаалтын дүнд тэрээр иргэдийн жагсаал цуглааныг дэмжиж байсан нь батлагджээ. Мөн иргэдэд нөлөөлөх үгсийг нийгмийн сүлжээний хаягтаа бичиж байсан гэнэ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна