Голын усанд суусан автомашиныг гаргаж, таван иргэнийг аварчээ


Өвөрхангай аймгийн төвөөс зүүн урд зүгт 14 км, Тарагт сумын Дунд гарам гэдэг газар Онги голын усанд автомашин суусан тухай дуудлагыг өчигдөр 14:00 цагт өгчээ.

Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид 14 км замыг туулан 14:25 цагт очиход Баян-Өндөр сумаас Арвайхээр сумын чиглэлд зорчиж явсан иргэн М-ын “Тоёота Пропокс” загварын суудлын автомашин Онги голын усанд суусан байжээ.

Уг автомашинд 35-78 насны таван иргэн зорчиж байжээ. Алба хаагчид 40 минут ажиллаж автомашиныг гаргаж, иргэдийг аварсан байна.

Эх сурвалж: ОБЕГ



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна