Төв аймгаас үхэр хулгайлсан гурван этгээдийг илрүүлжээ

Б.Төгөлдөр
2021/11/18

Мал - Мах нэгдсэн арга хэмжээний хүрээнд Төв аймгийн Цагдаагийн газрын алба хаагчид мал хулгайлах гэмт хэрэг болон гарал үүслийн гэрчилгээгүй мал, махыг тээвэрлэсэн зөрчлийг илрүүлэх чиглэлээр 24 цагийн хяналтын постуудад байнгын болон хөдөлгөөнт эргүүлээр ажиллаж буй.

Уг хяналт шалгалтаар өнгөрсөн шөнө буюу арваннэгдүгээр сарын 16-17 шилжих шөнө иргэн Б, Г, Н нар тус аймгийн Эрдэнэсант сумын нутаг дэвсгэрээс гурван тооны үхэр нядлан хулгайлж авч явсныг илрүүлжээ.

Одоогоор шалгалтын ажиллагаа үргэлжилж байна.

Хүйтний улирал эхэлж, иргэд идшээ бэлтгэх энэ үед малын хулгайн гэмт хэрэг өсөх чиг хандлагатай байдаг тул иргэд өөрсдийн эд хөрөнгө, цаашлаад үндэсний баялаг болсон мал сүргээ байнгын хариулга, маллагаатай байлгахыг Цагдаагийн байгууллагаас анхааруулав.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна