Хөлсний цэргийн арми “Вагнер”-ыг үүсгэн байгуулагч Евгений Пригожин онгоцны ослоор амиа алдсан гэсэн мэдээлэл цацагдсантай холбоотойгоор эх сурвалжууд байр сууриа илэрхийлж байгаа билээ. Тэгвэл ОХУ-ын Ерөнхийлөгчийн хэвлэлийн төлөөлөгч Дмитрий Песков Е.Пригожиний үхэлд Кремлийг хардсан асуудалд “Е.Пригожин нас барсныг баталгаажуулсан шинжилгээний хариу хараахан гараагүй байна” гэж хариулсан нь олон улсын анхаарлыг татжээ. Өөрөөр хэлбэл, түүний байр суурь Кремль Е.Пригожиний үхэлд эргэлзэж байгаа гэсэн утгатай байсан юм.
Харин барууны хэвлэлүүд болсон явдалд ОХУ-ыг буруутгаж, “Вагнер”-ын удирдлагуудыг солихыг оролдож байсан, Африк дахь түншүүдтэй нь ОХУ-ын Батлан хамгаалах яамнаас төлөөлөгчид очиж уузаж байсан гэх мэт баримтуудыг дэлгэсээр байна.
“Вагнер”-ын дайчид байрлаж байгаа Беларусийн Ерөнхийлөгч А.Лукашенко мөн энэ асуудлаар байр сууриа илэрхийлсэн байна. Тэрбээр Е.Пригожин өөрөөс нь аюулгүй байдлаа хангуулах талаар тусламж хүсэж байгаагүй, хүссэн байсан ч биелүүлэх боломж хомс байсан гэсэн хариултыг өгчээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна