Улс орнуудын хичээлийн шинэ жил хэзээ эхэлдэг вэ

Манай улсад өнөөдөр хичээлийн шинэ жилийн нээлт, “Эрдмийн баяр” тохиож байна. Тэгвэл энэ өдөр улс орон бүрт адил бадаггүй аж. Бид та бүхэндээ улс орнуудын хичээлийн жилийн нээлт, сургалтын онцлогийн талаар мэдээлэл бэлтгэн хүргэж байна.

 ОХУ, Британи манайхтай ижил есдүгээр сарын нэгэнд хичээлийн шинэ жилээ эхлүүлдэг

Хичээлийн шинэ жилийн нээлт нь есдүгээр сарын 1-нд болдог бөгөөд “День знаний” буюу “Мэдлэгийн өдөр”-ийг тэмдэглэдэг байна. Британи, Израиль мөн өнөөдөр хичээлийн шинэ жилээ эхлүүлдэг ажээ.

БНХАУ

Урд хөршийн тухайд, хичээлийн шинэ жил нь долдугаар сард эхэлдэг. Хичээл нь өглөөний 07.30 цагт эхэлж, 17.00 цагт тардаг байна.

Египет

Хичээлийн шинэ жил нь есдүгээр сарын гурав дахь арав хоногт эхэлдэг. Ингэхдээ ихэвчлэн бямба гарагийг сонгодог байна. Хичэлийн шинэ жил эхлүүлэх өдрийг тус улсын Боловсролын яам сонгодог. Хичээлийн хоёр улиралтайг нэг нь дунджаар 15 долоо хоног үргэлжилдэг. Эхний улирал есдүгээр сарын сүүлээр, /2021-2022 оны хичээлийн жил аравдугаар сарын 9-нд эхэлсэн/ хоёр дахь улирал хоёрдугаар сард эхэлдэг ажээ.

 Энэтхэг

Гурав, дөрөвдүгээр сард төгсөлтийн шалгалтуудаа зохион байгуулж, хэсэг амраагаад зургадугаар сард хичээлээ эхлүүлдэг. Гэхдээ хичээлийн шинэ жилийн нээлтээ гуравдугаар сарын сүүлийн долоо хоногт хийдэг аж.

Индонези

Долдугаар сарын дундуур хичээлийн шинэ жилээ эхлүүлдэг байна.

Иран Есдүгээр сарын сүүлээр эхлүүлж, зургадугаар сард амардаг.

Япон

Санхүүгийн жилтэйгээ уялдуулан дөрөвдүгээр сарын 7, эсвэл 8-нд хичээлийн шинэ жилээ эхлүүлдэг.  

Морокко

Есдүгээр сард эхэлж, зургадугаар сард дуусдаг.

Балба

Дөрөвдүгээр сарын 14, 15-нд хичээлийн шинэ жилээ эхлүүлдэг.

БНСУ

Гуравдугаар сарын 1-нд хичээлийн шинэ жил эхэлж, нэгдүгээр сард, ховор тохиолдолд хоёрдугаар сард дуусдаг.

Малайз

Гуравдугаар сарын эхээр хичээлийн шинэ жилээ эхлүүлдэг.

Филиппин

Наймдугаар сарын сүүлээр эхэлж, зургадугар сарын эхээр амарна.

Катар

Наймдугаар сарын сүүл, есдүгээр сарын эхээр эхэлнэ.

Сингапур

Нэгдүгээр сарын эхээр эхэлж, арваннэгдүгээр сарын сүүлээр дуусдаг.

АНУ

АНУ-ын хичээлийн шинэ жил нь ерөнхийдөө найм, есдүгээр сард эхэлдэг ч мужаасаа хамааран өөр өөр хугацаанд эхэлдэг. Муж дотроо дүүргээсээ хамааран хичээл эхлэх өдөр нь өөр байдаг.