С.Эрдэнийн хүү Э.Одбаяр Их хуралд үзэх нь

2020 оны 01 сарын 09

С.Эрдэнэ бүхэл бүтэн нэг дүүрэг, нэг намыг "эзэгнэсэн” нэгэн. Баянгол дүүргийн засаг даргаар ажиллаж байсан тэрээр энэ дүүрэгт дархлагдсан бөгөөд "Эрдэнэ вангийн хошуу” ч гэж нэрлэх нь бий...Ардчилсан намд шинэчлэлийг эхлүүлж, шат шатны дарга нарыг намын гишүүд дэмжигчдийн саналаар томилох алхмыг анх удаа хийж, унаад байсан намыг дахин сэргээж чадсан гэж АН-ын ууган гишүүд сайшаах боловч талцал хуваагдлыг үүсгэсэн гэж зарим журмын нөхөд нь бас шүүмжилнээ.

Улс төрчид сайнаас илүү муугаар хэлэгддэг ЖАМТАЙ хойно С.Эрдэнийн талаарх таагүй мэдээлэл их бий. Гэхдээ улс төрчийн хувьд менежмент сайтай, хүрээлэл их, тойргийнхоо иргэддээ нэр хүндтэй, УИХ-д хэд хэд улиран сонгогдсон шаггүй улс төр шүү гэж улс төрийн хүрээнийхэн хэлцэх юм.

Тэгвэл С.Эрдэнэ өөрийнхөө залгамж халааг эртнээс бэлдэж эхэлсэн нэгэн. С.Эрдэнийн хүү Э.Одбаяр Зон олны намын ГЕНСЕК. Энэ намын цаад нууц ноёнтон нь С.Эрдэнэ гэж ярих боловч ЗОН-ыг залуус идэвхтэй удирдаж, нийгэмд дуу хоолойгоо хүргэсээр байгаа.

Зон Олны нам 2016 оны 12 дугаар сарын 6-нд "МЭДЛЭГ ЯЛНА” уриатайгаар үүсгэн байгуулагдаж байв. Энэ намын гол дэмжигчид нь эмч, багш, дунд тушаалын мэдлэг боловсролтой, туршлагатай ажилтнуудаас бүрддэг. Өөрөөр хэлбэл бизнесмен, эрх мэдэл мөнгөтэй хүмүүсийн хүрээллээр намаа дүүргэдэг уламжлалыг ЗОН эвджээ. Тэд улс төрд МЭДЛЭГЭЭР өрсөлдөх зорилготой аж.

Тэгвэл Э.Одбаяр гэж хэн бэ? БНХАУ-д боловсрол эзэмшсэн, боловсролоороо хэнээс ч дутахгүй залуу. Улс төрчдийн хүүхдүүдийн дундаас тэр бүр хэл аманд өртөөд байдаггүй ч "ар хударгаар” их зүйл амжуулдаг нэгэн.

Түүний тэргүүлдэг "Монгол туургатны төв” соёлын өвийг хамгаалах акцыг удаа дараа өрнүүлж, сайн үйлсийн хэд хэдэн арга хэмжээг хийсэн байдаг. Байгалийн түүхийн музейн барилгыг буулгахыг эсэргүүцэж тэмцсэн хэсэг бүлэг хүмүүсийн цаана С.Эрдэнийн хүү Э.Одбаяр байсан. Чухал сэдвээр хүчтэй ч дуугарч чадаж байна. Харин сүүлийн үед ЗОН-ынхон шахмал түлш гэсэн нийгмийн сэдвийг их хөндөж, шүүмжилж, муулах бус асуудлыг шийдэх гарц гаргалгааг илэрхийлж явналээ.

Залуу улс төрч их л идэвхтэй болсон нь 2020 оны сонгууль хаяанд ирсэнтэй холбоотой. Энэ удаагийн сонгууль улс төрийн ууган намуудад тийм ч таатай байхгүй нь лавтай. Харин мэдлэг боловсролтой, зөв бодолтой ЗАЛУУСТ ээлтэй сонгууль байж мэдэх.

Мэдээж энэ боломжийг залуу улс төрчид эртнээс харж бэлдэж эхэлсэн байгаа. Түүний нэг нь С.Эрдэнийн хүү Э.Одбаяр.

"Ардын хүү давж болдоггүй наадам уу?” гэдэгчлэн энгийн нэгний хүү улс төрд орж, төр барилцахад хаалттай цаг үе. Дуучны хүүхэд дуучин, бөх хүний хүүхэд бөх, багшийн хүүхэд багш гэхчлэн улс төрчдийн хүүхдүүд улс төрч байх бичигдээгүй хууль энэ цаг үед үйлчилдэг юм шиг. Энэ хуулиар МАНАН бүлэглэлийн акулуудын хүүхдүүд дараагийн УЛС ТӨРИЙН АНГИЙНХАН байх нь. Ингээд нөгөө олон жил бугшсан шударга бус явдал, нөгөө нэг хонгил, МАНАН-г залуу шинэ үе нь үргэлжлүүлээд явах жамтай.

Гэвч оймсонд хавчуулагдаад орж ирсэн хэн нэгэн, бусдын захиалгаар өлсгөлөн зарлаж, тэмцэж яваад кранаар сайд болсон зарим хүмүүсийн хажууд энэ мэт залуусын мэдлэг боловсрол, нийгмийг харж буй өнцөг, зорьж буй зорилго нь бусдаас өөр харагдана. Гагцхүү залуу, харин нөгөө талдаа улс төрчийн хүүхэд гэдгээрадлагдана.

Ихэнх улс төрчдийн хүүхэд эцэг, эх нь аль намд байна тэр намын гишүүн л байдаг. МАН бол МАН, АН бол АН.

Харин С.Эрдэнэ, Э.Одбаяр нар алсыг хэрхэн харсан нь хоёр өөр намыг толгойлж байгаагаас харагдана.

 

Б.БАДАРЧ

 

Сэтгэгдэл (4)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 01 сарын 11
202.9.47.14
ГОНЧИГ

ГИШҮҮН БАЙГАА МӨН АСАН ХУЛГАЙЧИД БОЛОН ТЭДНИЙ АХ ДҮҮ ГЭР БҮЛИЙНХЭН БАС ТОМ КОМПАНИЙН ЭЗЭН ШУНАЛЫН ХҮҮДИЙНҮҮДЭЭС ГАНЦЫГ Ч БҮҮ СОНГО.

2020 оны 01 сарын 11
52.201.233.178
power

чи далжийгаад байх юм байхгүй естой гөлөг болно ш дээ

2020 оны 01 сарын 09
103.9.90.50
Зочин

Үр могойнууд! Алим ишнээсээ хол унадаггүй. Баян тансаг амьдралд умбаж өссөн, аав ээжийнхээ луйвардсан мөнгөөр гадаадад сурч, өч төчнөөн бизнестэй болсон өлсөж даарахын зовлон үзээгүй энэ 2-р ээлжийн пацаанууд төрийг удирдлаа юу? Гоёюм ярьж, худал үнэн хандив өгч дүр эсгэж бол чадна. Эднүүс аав, ээжийнхээ хулгайлсан мөнгийг өсгөөд бизнесээ аваад явбал болоо биш үү? Яах гэж улс төрд орох гээд байгаан? Нэр дэвшигчдийн арыг сайн нягталж, цэвэр өөрийн чадал, оюун ухаанаар гарч ирж байгаа , бэрхшээл туулж хатуужсан, эдийн шуналгүй, буян нүглийг ялгадаг зөв хүмүүсийг сонгоорой таминь ээ?!

2020 оны 01 сарын 09
202.9.46.116
Бат

Үе залгамжилсан хаан юм уу хашаа юм тэгэх тусам бүү сонгоорой