Нярайгаа зузаан өлгийд өлгийдөж, гадуур хувцсаа өмссөн байжээ 

2020 оны 05 сарын 30

Гурван сартай нярайгаа  тэврээд зургаан давхрын цонхоор  унасан 30 гаруйхан настай эмэгтэй  үрийнхээ хамт нарт  зовлонт хорвоог үүрд орхилоо. Энэ мэдээ бүх Монголчуудын зүрхийг шархлуулав.  Дэрсхэн дөрвөн хүү тоглох газар хайж яваад хариуцлагагүй нийгмийн золиос болоод  хоёрхон хонож байхад  дахиад зүрх зүсэм таагүй мэдээ нөмөрлөө. Эх хүн үрээ хайрлахдаа үхэж чаддаггүй гэлцдэг. Гэтэл үртэйгээ хамт үүрд явах сонголтыг яагаад хийв. Аль эсвэл араатны гараас мултрах гээд хорлогдов уу.  Үхсэн хүн үг хэлэх биш гээд түлхчихихэв үү.  Түмэн таамаг, сэжиг, хардлага хөвөрч байна. 

Талийгаач  биендээ хүчирхийллийн байж болох хөхрөлтэй байсан, цагдаад олонтаа дуудлага өгч байсан зэрэг нь энэ  гэр бүл  дотор нууц далд хүчирхийлэл байсныг  гэрчлээд байгаа юм биш үү. Нярайгаа зузаан өлгийнд өлгийдөж, өөрөө гадуур хувцасаа өмссөн байдалтай  цонхоор унасан гэх мэдээлэл гол гогдож байна. 

Зарим эх сурвалжууд талийгч бүсгүйн гэрээс гэрээслэл бүхий захидал олдсон,  нөхрийг нь  цагдаагийн байгууллага байцааж байжээ. Үүнээс харахад талийгаач бүсгүй  нөхрөө гэртээ ирэхээс нь өмнө  захиа бичиж үлдээгээд, үрээ хувцаслаад зугтах гэж байсан ч, төлөвлөгөө нь бүтээгүй тул  цонхоор үсэрсэн байж болзошгүй  гэх таамаг байна. 

С.Отгон 

 

 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 06 сарын 02
64.119.16.148
zochin

Huuhnuud ee.Huntei bitgii suugaach ee. Nuhurtei gedgee gaihuulj hudlaa tenegtej busdiigaa uruu tataj hentei ch hamaagui suugaad baidag yavdlaa zogsoogooch ee. Mongoliin banzal erchuud hohirohgui eej aav chin l hohirood baina sh dee. Etseg ehee bodooch ee.Huntei suudaggui uhaantai huuhnuud saihan l amidarch baina sh dee