Д.Нямхүү: Шинээр коронавирусийн халдвар илрээгүй, 5 хүн эдгэрлээ

2020 оны 06 сарын 27

ХӨСҮТ-ийн захирал Д.Нямхүү өнөөдөр цаг үеийн асуудлаар мэдээлэл өгөх үеэрээ титэм вирусийн халдвар илрээгүйг онцоллоо.

Тодруулбал "Зургаадугаар сарын 26 -нд ХӨСҮТ-ийн хоёр болон Дархан-Уул аймаг дахь салбар лабораторид

172 хүний сорьцод шинжилгээ хийхэд шинэ коронавирусийн халдвар илрээгүй. Ажиглах байранд байгаа, ОХУ-ын цэргийн онгоцоор ирсэн 75 хүнд шинжилгээ хийхэд коронавиурс илрээгүй.Мөн 56 хүний давтан шинжилгээнээс халдвар илрээгүй.

Тандалтын зорилгоор БЗД-ийн өрхийн эрүүл мэндийн төв, ЭХЭМҮТ болон Төмөр замын нэгдсэн эмнэлгийн нийт долоон сорьцод шинжилгээ хийхэд коронавирус илрээгүй. Алтанбулагийн хилийн боомтоор орж ирсэн 35 жолоочид шинжилгээ хийхэд коронавирус илрээгүй. 

Харин өнөөдөр ХӨСҮТ-д эмчлэгдэж байсан таван хүн эдгэрч, дараагийн шатны хяналтад шилжлээ. 

Ингэснээр Монгол Улсад батлагдсан коронавирусийн 219 тохиолдлоос 175 хүнийг эмчилж, эдгээжээ. ХӨСҮТ-д 44 хүн эмчлэгдэж байгаагийн 35 нь хөнгөн, есөн хүн хүндэвтэр байна. ХӨСҮТ-д нийт 82 хүн эмчилгээ, хяналт, тандалтын дор байна. 

Бид 250 хүнийг хүлээж авахаар бэлтгэл хийсэн бол одоо 82 хүн байгаа. Тиймээс дараагийн ээлжийн хүмүүсийг хүлээн авахаар бусад чиг үүргийн байгууллагатай хамтран ажиллаж байна. Мөн бид дараагийн үнэлгээг маргааш хийхээр товлосон" гэлээ. 

ЭМЯ-ны Шуурхай удирдлагын газрын дарга Д.Нарангэрэл:

АНУ-ын Техас, Флорида Аризона мужууд хөл хориогоо эргэн сэргээлээ. Буриадад 93 шинэ тохиолдол илэрсэн. 77 хүн ажиглалтад шинээр орж 9 хүн ажиглалтаас гарсан 2632 хүн ажиглалтад байна. Тусгаарлах байранд нийт 112 асрагч, 108 сувилагч ажиллаж байна. Дуудлагын 50 гаруй хувь нь үйлчилгээний газрын худалдагч, үйлчлэгчид амны хаалт зүүхгүй байна гэсэн гомдол хэлсэн.

200 гаруй байгууллага вакцин хийхээр ажиллаж байгаагаас 15 вакциныг эмнэлзүйн туршилтад оруулсан" гэв.

Видео:

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.