Жин хасахад саад болдлог 9 зүйл

2020 оны 08 сарын 03

Өөрийн биеийн жиндээ сэтгэл дундуур байдаг охид, залуустаа зориулан юунд анхаарлаа хандуулах хэрэгтэй талаар зөвөлгөөг хүргэж байна. Хэт хатуу дэглэм барьж, фитнесс зааланд өдрийг өнгөрүүлэхээ түр азнаад эдгээр 9 зөвөлгөөг хэрэгжүүлээд үзээрэй. 

1. Стресс 

Стрессийн үргэлжлэх хугацаа нь богино байх юм бол адреналин "байдлыг гартаа авч" аппетит бууруулна. Харин стресс удаан хугацаанд үргэлжлэх юм бол адреналин нь үүргээ кортизолд хүлээлгэн өгдөг бөгөөд үүнээс болж организмд ус хуримтлагдах, аппетит ихсэх, өөхөн давхарга нэмэгдэх гэх зэрэг зүйлс ажиглагддаг. 

2. Хэтрүүлэн идэх 

Хэтрүүлэн идэх гэдэгт заавал амттай зүйл, түргэн хоол гэх мэт бидний яридгаар "болохгүй" зүйлс хамаарахгүй. Самар чинь эрүүл бүтээгдэхүүн шүү дээ гээд уут уутаар нь идээд, зөгийн бал чинь сахарыг орлоно шүү дээ гээд халбага, халбагаар нь хэрэглээд байвал өдөрт авах ёстой илчлэгээ зөвхөн эдгээр хүнснүүдээс л авчих магадлалтай. 

3. Дасгал хийхгүй байх 

Булчин ажиллаж байна гэдэг нь бидний бодисын солилцооны түвшин сайжирч байгаа гэсэн үг. Хэрэв амьдралынхаа хэв маягт дасгал хөдөлгөөн нэмчих юм бол бид илүү их хэмжээний энерги зарцуулна гэссн үг. Гэхдээ өдөр бүр 2,3 цагаар хийгээд байх шаардлагагүй. 7 хоногт 3-4  удаа спортоор хичээллэхэд л хангалттай. 

4. Хоол хүнснээсээ хангалттай хэмжээний уураг авч чадахгүзй байх

Уургийн ач тусын талаар тоочоод баршгүй. Мэдээж хэтрүүлэн идэж болохгүй. Насанд хүрсэн хүн өдөрт биеийн 1 кг жинд 1.6-2гр уураг заавал авч байх ёстой. 

5. Ус бага уух

Ус бол бидний организмд гүйцэтгэх үүргийн талаар мэдэхгүй хүн бараг үгүй биз ээ. Гэвч бидний ууж байгаа бүхэн "ус" ойлголтонд хамаарахгүй гэдгийг тэр болгон мэддэггүй. Цай, кофе, ундаа зэрэг хангалттай хэмжээгээр уудаг ч жинхэнэ цэвэр ус уудаггүй бол энэ нь турахад саад болдог бас нэг шалтгаан юм. Ус ууснаар бодисын солилцоо сайжирч, хоолны шингэц хурдасдаг ба харин бусад уух зүйлс бүгд тодорхой хэмжээний илчлэг агуулж байдаг тул "хоол" гэсэн ойлголтонд хамааруулсан ч буруудахгүй юм. 

6. Хангалттай хэмжээний нойроо авч чаддагүй

Нойр муутай байх нь бидний биед нэгэн төрлийн стресс үүсгэж байдаг ба энэ нь кортизол хэмээх даавар ихээр ялгарах гол үндэс суурь бөгөөд хоолны дуршил нэмэгдэх маш том шалтгаан болдог. Бага унтдаг хүмүүс хангалттай нойроо авч чаддаг хүмүүстэй харьцуулахад хэтрүүлэн идэх магадлал ихтэй байдгийг тогтоосон судалгаа бий. 

7. "За одоо ганцхан" гэх мэтээр өөрийгөө хуурж их хэмжээний амттан иддэг

Нэг ширхэг сникерс нь 4 алим, 6-10 мандаринтай тэнцэх илчлэгтэй байдаг талаар ойлголтгүн улмаас одоо ганц , одоо ганц гэх мэтээр 10 алим, 20 мандарин нэг дор идсэнтэй тэнцэх хэмжээний илчлэгийг шууд авчихдаг. 

8.  Хатуу дэглэм барьдаг 

Хэт их өлсгөлөн, хорио цээр, хурдан үр дүн хүлээх, стрэсс, сэтгэл гутралууд давхцана. Эцэст нь хэтрүүлэн идэлттэй тулдаг тул энэ турахад хамгийн саад болдог зүйл юм. 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.