Сайн дурын ажил хийж байсан хоёр хүү 1100 жилийн настай алтан зооснууд олжээ

2020 оны 09 сарын 25

Израилд зуны амралтаараа археологийн бүс нутагт сайн дурын ажил хийж байсан өсвөр насны хоёр хүү 1100 жилийн настай алтан зооснууд олжээ. Тэд газар ухаж байхдаа хэдэн ширхэг зоос олж харсан байна. Тэдгээр нь 1100 жилийн настай алтан зооснууд болохыг тухайн үед гадарлаагүй аж. 

Энэ тухай өсвөр насны хүү Оз Коэн, “Би сайн дурын ажлын хүрээнд газар ухаж байгаад хэдэн ширхэг зоос олж харсан. Тэгээд тэр хэсгийг эвтэйхэн цааш ухахад шавар ваар шиг зүйл дотор олон ширхэг алтан зоос байсан” гэжээ. 
Газар доороос олдсон зооснууд 24 карат алт ба нийт 845 грамм зоос байжээ. 

Энэ тухай Израилийн эртний эдлэл судлалын эрх бүхий байгууллагын төлөөлөл Галит Мал “Шавар вааранд байсан алтан зооснууд тухайн үед энэ бүс нутагт гадаад худалдаа хэрхэн өрнөж, өргөжиж байсныг харуулж байна. Одоогийн зах зээл дээр эдгээр зооснуудыг худалдвал тансаг зэрэглэлийн байшин авч болохоор үнэд хүрнэ хэмээжээ. 

Эх сурвалж: CNN   
 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.