KFC-ийн "ӨЛӨН БАЙ" реклам хулгай байжээ

2020 оны 09 сарын 28

Олон нийтийн сүлжээнд "ӨЛӨН БАЙ" нэртэй сурталчилгаа  эерэг, сөрөг шүүмж авах болсон. Тэгвэл энэ сурталчилгаатай  холбоотойгоор  “Mongolian next top model” шоуны шилдэг оролцогчдын нэг, HYB брэндийг үүсгэн байгуулагч Б.Цэцэгмаа, Б.Цэцэгсайхан нар байр сууриа илэрхийлжээ.  Тэд өөрсдийнх нь бүтээлийг рекламандаа зөвшөөрөлгүй ашигласан талаар ийнхүү бухимдcан байна. 

"...Энэ бүр арай тэвчээр барагдуулж, бухимдуулж байна. Миний хөдөлмөр болж, ямар ч ашиг сонирхолгүй "PLAYTIME 2018"-ын тухай хийсэн бичлэгээс хэсэг дүрсийг ямар ч зөвшөөрөлгүй, хулгайгаар татан оруулж, HYB гэсэн патенттай логог маань устгаад өөрсдийн KFC гэсэн логогоо тавьж, дундуур нь тахианы бичлэг оруулж, зар сурталчилгаа хийсэн байна.

Бас ичихгүй миний нүүр царайг ашигласан. Энэ том байгууллага "ӨЛӨН БАЙ" гэдэг маркетингаар ажилладаг юм уу. Уран бүтээлч гэдэг хүний оюуны хөдөлмөрийг хүндлэхгүй, үнэлэхгүй байгаа энэ хандлага үнэхээр уур хүргэж байна. 

Genco Tour Bureau "HUNNU MUSIC FESTIVAL" -ийн сурталчилгаанд  Tomi Baatarchuluun-ийн бүжиглэж байгаа бичлэгийг Youtube-ээс зөвшөөрөлгүй, мөнгө төлөлгүй татаж авч ашигласан. Тухайн үед асуудлаа залруулах гээд ярихад "Манайх артистуудад мөнгө өгдөггүй, зөвхөн бартер ярьдаг" гэж доромжилсон. "Ерөнхийлөгчийн охин гэдгээр  дээрэлхээд байгаа юмуу, Монгол жижигхэн шүү"  гэсэн сүрдүүлсэн хариу  авч байсан.

Хамтран ажиллахыг хүсч байна, та нарын мэдрэмж үнэхээр гоё гэж хошигруулж дуудчихаад яг уулзах болохоороо  хөдөлмөрийн хөлс буулгах, гэрээний дагуу төлбөр тооцоогоо цагтаа өгөхгүй араасаа гуйлгаж хамтран ажилладаг. Олон удаа ийм том байгууллагад дээрэлхүүлж явсан. Одоо  ийм юмыг тэвчихгүй" гэх зэргээр байр сууриа илэрхийлжээ. 

Олон нийтийн сүлжээнд энэ мэдээлэл  нийтлэгдсэний дараа  KFC уучлал хүсэж, хулгайн сурталчилгаагаа устгасан байна. 

 

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.