ЗГ: Эмзэг бүлгийн иргэд, дотуур байрны сурагч, оюутнуудыг хүнсээр хангана

2020 оны 11 сарын 13

Засгийн газрын ээлжит бус хуралдаан 2020 оны 11 дүгээр сарын 13-ны өдөр болж өндөрлөлөө. Тус хуралдаанаар Бүх нийтийн бэлэн байдлын зэрэгт шилжүүлсэн үеийн нөхцөл байдлын талаар Монгол Улсын Шадар сайд, Улсын онцгой комиссын дарга Я.Содбаатар танилцуулав.

Цаашид:

  • Улсын хэмжээнд хүнсний хомсдол үүсгэхгүй байх,
  • Эмзэг бүлгийн иргэд, дотуур байрны сурагч, оюутнуудыг хүнсээр хангах,
  • Эм, эмнэлгийн хэрэгслийн хангамжийг бүрэн хяналтдаа байлгах,
  • Шаардлагатай тохиолдолд хүнс, эм, эмнэлгийн хангамжийн дуудлагын түгээлтийн баг ажиллуулахад бэлэн байх,
  • Галын тэргүүн шугамд ажиллаж байгаа ажилтан, албан хаагч, тэдгээрийн ар гэрт урамшуулал олгох зэргийг Монгол Улсын Ерөнхий сайд У.Хүрэлсүх холбогдох сайд болон удирдах албан тушаалтнуудад үүрэг болголоо.

Иргэний нийгмийн байгууллага, аж ахуйн нэгжүүд болон мэргэжлийн хүмүүс сайн дурын хөдөлгөөн байгуулж төр, засагт туслах саналаа ирүүлсээр байна. Энэ чиглэлээр хамтран ажиллахад бэлэн гэдгээ Ерөнхий сайд хэллээ.

Тэрээр Засгийн газар, Улсын онцгой комиссын гаргасан шийдвэрийг хэрэгжүүлэхийн төлөө зүтгэж байгаа бүх байгууллага, ажилтан, албан хаагч болон Бүх нийтийн бэлэн байдлын зэргийн дэглэмийг сахиж байгаа иргэд, гэр бүл, байгууллага, аж ахуйн нэгжид талархал илэрхийлэв гэж Засгийн газрын Хэвлэл мэдээлэлтэй харилцах хэлтсээс мэдээллээ.

Сэтгэгдэл (3)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 11 сарын 18
202.9.40.165
zochin

Emzeg bvleg emzeg bvleg l geh yum yaag vnen zuw saudalgaaa bdggvi sh deee... horoo horinii hel amtai horooniii dargiin ajil vilsiiig sain demjdeg songuuliiin luiwart idehtei oroltsdog bolomjtoi hervvl helemgiii dolomgoi 8n neriiin delgvvrtei horoonii dargiiig tetgedeg hvmvvs shurgalan orchihson bdg shvvv deee MU-n zasgiin gazar mineeeeee

2020 оны 11 сарын 15
192.82.71.68
асуулт

ТЭТГЭВЭРЭЭРЭЭ амьдардаг хөгшид ЭМЗэГ бүлэгт орох уу?

2020 оны 11 сарын 15
192.82.71.68
харамсалтай

ТЭТГЭВЭРЭЭРЭЭ амьдардаг хөгшид ЭМЗИГ бүлэгт орох уу?