М.Бадарчид унасан Ц.Бямба-Отгон, С.Сүхбат, Э.Даш, Б.Баянмөнх нарт цолыг нь өгч байна

Ноднин жилийн наадмаар түрүүлэхдээ допинг хэрэглэсэн нь Монголын спортын арбитрын шүүхээр тогтоогдсон М.Бадарчид унасан бөхчүүдэд өнөөдөр цол чимгийг нөхөн олгож байна.

Тодруулбал,

• Аймгийн хурц арслан Бүрнээгийн Баянмөнхийг тав давсанд тооцож улсын начин,
• Өсөх идэр начин Эрдэнэбатын Дашийг зургаа давсанд тооцож улсын харцага,
• Улсын харцага Сүхбаатарын Сүхбатыг долоо давсанд тооцож улсын заан,
• Улсын гарьд Цэрэнсодномын Бямба-Отгоныг ес давсанд тооцож улсын арслан,
• Улсын аварга Оргихын Хангайд “үлэмж бадрах” чимэг, цол тус тус нөхөн олгох ажиллагаа яг одоо болж байна.

Дашрамд, М.Бадарч хориотой бэлдмэл хэрэглэсэн гэдгээ хүлээн зөвшөөрөхгүй хэвээр байгаа бөгөөд “Монада” шинжилгээ авахдаа олон улсаас баталсан дүрэм журмыг дагаагүй хэмээн Олон улсын спортын арбитрын шүүхэд хандахаа мэдэгдээд байгаа юм.