Эмнэлэг явахгүйгээр хүүхдийнхээ вакцины түүхийг шалгаж, дараагийн товыг цаг алдалгүй мэдэж аваарай

Эцэг эхчүүд та бүхэн заавал эмнэлэгт биечлэн очих шаардлагагүйгээр төрийн үйлчилгээний нэгдсэн E-Mongolia системээс хүүхдийнхээ дархлаажуулалтын мэдээллийг хэзээ ч, хаанаас ч, 24/7 цахимаар хялбархан аваарай.

Хүүхдийнхээ дархлаажуулалтын мэдээллийг цахимаар авснаар:

•  Цаг зав хэмнэнэ: Эмнэлэг, өрхийн эрүүл мэндийн төвд биечлэн очих шаардлагагүй болж, таны ажлын ачааллыг бууруулна.
• Вакцины хугацааг сануулна: Завгүй амьдралын хажуугаар заримдаа хүүхдийнхээ вакцинаа мартах тохиолдол багагүй гардаг байх тэгвэл одоо санаа зовох хэрэггүй. Хүүхдийн дархлаажуулалтын дараагийн тун дөхөхөд танд цахим сануулга илгээгдэж, товоо мартахгүй.
• Мэдээллээ дэлгэрэнгүй хянах боломж: Хүүхдийн хийлгэсэн вакцины нэр төрөл, огноо, тунгийн мэдээллийг албан ёсны эх сурвалжаас авч, дэлгэрэнгүй харах боломжтой.
• Алдаа гарах эрсдэлгүй: Цаасан дээр бичиж тэмдэглэснээ хаях гээх, буруу мэдээлэл авах эрсдэлгүй болж, цахим хэлбэрээр баталгаатай мэдээлэл авна.
• Татах, илгээх боломжтой: Вакцины түүхээ PDF хэлбэрээр татаж аваад, сургууль, цэцэрлэгт бүртгүүлэх, гадагшаа зорчиход илгээх, харах боломжтой.

Хэрхэн авах вэ?

1. E-Mongolia системд бүртгэлтэй хаягаараа нэвтрэх
2. Үндсэн цэсээс "Эрүүл мэнд" хэсгийг сонгох
3. "Дархлаажуулалтын мэдээлэл" үйлчилгээг сонгох
4. Хүүхдийнхээ мэдээллийг дэлгэрэнгүй үзэж, хүсвэл PDF файлаар татаж авах

Төрийн үйлчилгээг илүү шуурхай, ил тод, хүртээмжтэй болгох зорилтын хүрээнд E-Mongolia систем тасралтгүй шинэчлэгдэж байна.

Цахимаар шийдэж, цагаа хэмнэе! Жич: 2018 оноос хойших дархлаажуулалтын мэдээллийг авах боломжтой бөгөөд хэрэв хүүхдийн мэдээлэл зөрүүтэй бол үйлчилгээ авсан харьяа эрүүл мэндийн байгууллагадаа хандахыг анхаарна уу.