Р.Жигжиднямаа М.Зоригтоос хуучин машинуудыг нь өндөр үнээр худалдан авчээ

УБТЗ-ын шинэхэн дарга Р.Жигжиднямаа Зам тээврийн сайд асан М.Зоригтын хуучин машинуудыг өндөр үнээр худалдан авсан гэх мэдээлэл цацагдаж эхэллээ.

Тодруулбал, 2016 оны 12 сарын 28-ны өдөр Зам, тээврийн сайд  асан М.Зоригт  “Мөнхчулуун” сангийн нэр дээр бүртгэлтэй байсан 06-68 УБЛ, өөрийн нэр дээр бүртгэлтэй байсан 06-69 УНҮ тус тус улсын бүртгэлийн дугаартай байсан 2015 онд үйлдвэрлэгдсэн Y62 загварын “Ниссан Патрол” маркийн 2 ширхэг автомашиныг “УБТЗ” ХНН-д худалджээ.

Хоёр жил унасан,  тус бүр нь 40 мянга гарсан гүйдэлтэй  хоёр автомашиныг  зах зээлийн үнээс өндөр  үнээр буюу  260 сая төгрөгөөр  авсан  гэх. Энэхүү наймааг   2017 оны  нэгдүгээр сарын 2-ны өдөр  албан ёсоор баталгаажуулж хоёр автомашиныг УБТЗ-д шилжүүлжээ.

Тус газрын дарга Р.Жигжиднямаагийн хувьд   Зам тээврийн сайд М.Зоригттой нэг ангид суралцаж байсан гэдгээрэээ ой харилцаатай гэнэ.