Францын шинэ ерөнхийлөгчөөр 39 настай Макрон тодорлоо

2017/05/08

Францын санал асуулгын 7-нд нийтэлсэн тоо бүртгэлээс үзвэл, Францын эдийн засгийн экс сайд, "Форвард" хөдөлгөөнөөс нэр дэвшигч Эммануэль Макрон ерөнхийлөгчийн 2 дахь ээлжийн сонгуульд 65 хувийн дэмжсэн санал авч Францын шинэ ерөнхийлөгчөөр сонгогдов. Ийнхүү 39 настай Эммануэль Макрон Францын бүгд найрамдах улсын 60 шахам жилийн түүхэн дэх хамгийн залуу ерөнхийлөгч болов.

Тэрээр сонгогдсон орой телевизээр үг хэлж, "Өнө удаан жилийн түүхийн шинэ хуудас энэ орой нээгдэж байна. Энэ бол хүсэл эрмэлзэл, шинээр итгэл хүлээлгэх хуудас болохыг хүсэж байна. 5 жилийн үүрэгт ажлын хугацаанд улс орон, иргэдийн хооронд гарсан зөрчлийг чадлын хэрээрээ эвлэрүүлж, "шударга, сайн дураараа, шуурхай зориг гарган, Франц улсад үйлчилнэ" " гэжээ.

Түүнийг телевизээр үг хэлэхийн өмнө хэт барууныг баримтлагч "Үндэсний Фронт" намаас нэр дэвшигч Марине Ле Пен сонгуульд ялагдсанаа хүлээн зөвшөөрч, Эммануэль Макронд баяр хүргэсний зэрэгцээ "Франц залгамж чанараа сонгож чадсан" гэжээ.

Францын одоогийн ерөнхийлөгч Франсуа Олланд шинэ сонгогдсон Эммануэль Макронд утсаар баяр хүргэжээ. Түүний үүрэгт ажлын хугацаа 5-р сарын 14-нд дуусна. Уламжлал ёсоор шинээр сонгогдсон ерөнхийлөгч болон экс ерөнхийлөгч хоёр ерөнхийлөгчийн албан тушаалыг хүлээлгэж өгөх ёслолын цаг хугацааг товлох юм. АНУ-ын ерөнхийлөгч Дональд Трамп, Европын холбооны зөвлөлийн дарга Жан Клод Юнкер нар Эммануэль Макронд тус тус баяр хүргэсэн байна.

Х.Нэргүй 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна