Америкийн зүрхний нийгэмлэгийн эрдэмтдийн баг "Орой идсэн хоол нь хүний биологийн хэмнэлийг алдагдуулж, зүрх судасны болон чихрийн шижин өвчин үүсгэдэг гэсэн дүгнэлтэд хүрчээ. Энэ талаарх холбогдох судалгаа "LiveScience"-д нийтлэгдсэнийг "РИА Новости" агентлаг уламжлав. Эрдэмтэд чихрийн шижин, таргалалт, цусны даралт ихсэх өвчин болон хооллолтын харьцааг судлахаар шийджээ. Туршилтад 18-76 насны 12700 гаруй хүнийг хамруулж, хоёр өдрийн турш эрүүл мэндийн байдлыг нь хооллолттой нь харьцуулсан байна. Судлаачид 18:00 цагаас хойш хоол хүнс хэрэглэсэн хүмүүсийн цусан дахь сахар, инсулины хэмжээ өндөр байсныг тогтоосон бөгөөд 18:00 цагаас хойш хоол хүнс идээгүй хүнтэй харьцуулахад цусны даралт нь их байжээ.
Сэтгэгдэл бичигдээгүй байна