Hague-2018: МУГТ Г.Болдбаатар тэргүүтэй 10 жүдоч барилдана

Жүдо бөхийн “Hague-2018” гран при тэмцээн өнөөдөр албан ёсоор эхлэж байна.

Энэ тэмцээнд 62 орны 412 шилдэг жүдочид оролцож байна. Манай улсаас түрүү 7 хоногт Такшкентийн гран при тэмцээнд оролцсон МУГТ Г.Болдбаатар тэргүүтэй 10 жүдоч барилдах юм.

Өнөөдөр эмэгтэйчүүдийн -48кг, -52кг, -57кг, эрэгтэйчүүдийн -60кг, -66кг жингүүдийн барилдаан явагдана. Хэсгийн барилдаанууд Монголын цагаар 17 цагт эхлэх бол медалийн барилдаанууд 23:00 цагаас явагдах юм. www.livetv.mn сайт хэсгийн барилдаануудаас эхлэн 3 дэвжээг шууд дамжуулан үзүүлнэ. 

Манай бөхчүүдээс өнөөдөр 6 шилдэг жүдоч дэвжээнд гарах ба манай бөхчүүдийн барилдах жингүүдийн оноолтыг жүдо сонирхогч та бүхэндээ хүргэж банйа.

Эрэгтэйчүүдийн -60кг жингийн оноолт:

МУГТ Г.Болдбаатарын хувьд D хэсэг эхний барилдаанаа АНУ-ын бөх Агоглиа Давитэй барилдах бол Д.Амартүвшин С хэсэгт эхний барилдаана Болгар улсын тамирчин Герчев Яниславтай барилдах хуваарьтай байна.

Эрэгтэйчүүдийн -66кг жингийн оноолт:


Д.Төмөрхүлэг эхний тойрогт гоц мөргөж дараагийн тойрогт ОХУ-ын Оздоев Зелимхантай барилдах бол Д.Алтансүхийн хувьд мөн л эхний тойрогт гоц мөргөж дараагийн тойрогт Герман улсын тамирчин Бизон Марселтай барилдах оноолттой байна. 

Эмэгтэйчүүдийн -52кг жингийн оноолт:

Б.Хорлоодой А хэсгийн эхний тойрогт БНХАУ-ын Ван Шинтэй барилдах бол Г.Ганцэцэг С хэсгийн эхний тойрогт БНХАУ-ын Лию Липинтэй барилдах оноолттой байна.