ТАНИЛЦ: Боксын 2024 оны улсын аваргууд

XX-р зууны манлай дасгалжуулагч, Монгол улсын гавьяат дасгалжуулагч В.Батбаярын нэрэмжит Монгол Улсын боксын насанд хүрэгчдийн УАШТ амжилттай явагдаж өчигдөр өндөрлөлөө.

Олимпын эрхийн чухал тэмцээнүүд оны эхээр болох тул ийнхүү 2023 онд зохиогдож буй 2024 оны боксын насанд хүрэгчдийн УАШТ эрэгтэйчүүдийн долоо,  эмэгтэйчүүдийн зургаан жинд болж, аваргууд тодорсон юм.  Тэмцээнд 36 байгууллага клубийн 156 тамирчин оролцжээ.

Монголын боксын холбоо энэ удаагийн УАШТ-ээс 2024 оны хоёрдугаар сарын 29-ний өдөр Италийн Бусто Арсизио хотод эхлэх олимпын эрх олгох эхний тэмцээний оролцогчдоо шалгаруулсан юм.

ЭМЭГТЭЙ

50 кг

Оюунцэцэгийн Есүгэн

Хагас шигшээд ирээдүйн од, залуу тамирчин С.Биндэръяаг, алтын төлөө хүчтэй өрсөлдөгч Бейсенбейн Жанаргүлийг буулган авч, хоёр дахь удаагаа улсын аварга боллоо. Өнгөрсөн жил тэрбээр 54 кг-ынд аваргалж байв.

54 кг

Мөнгөнцэцэгийн Энхжаргал

Аваргын төлөө ДАШТ-ий, мөнгө, хүрэл медальтнууд хоорондоо тулж, М.Энхжаргал Л.Алтанцэцэгийгээ илүүрхлээ.

57 кг

Төмөрхуягийн Болортуул

Азийн аварга Т.Болортуул жин өгссөн ч Азийн АШТ-ий мөнгөн медальт Т.Номин-Эрдэнийг ялж, ээлжит удаагаа УАШТ-дээ түрүүллээ.

60 кг

Монхорын Намуун

Саяхан Дэлхийн цомын тэмцээнд түрүүлсэн ОУХМ Монхорын Намуун олон хүчтэй өрсөлдөгчөө /Н.Оюун-Эрдэнэ гм/ дийлж түрүүллээ.

66 кг

Ганзоригийн Бадмаараг

Г.Бадмаараг М.Цэцэгдарийг хожиж түрүүллээ.

75 кг

Энхбаатарын Эрдэнэтуяа

ЭРЭГТЭЙ

51 кг

Ганхуягийн Ган-Эрдэнэ

2016 оны олимпод оролцож байсан Жижиг Үүеэ хочит ОУХМ Г.Ган-Эрдэнэ О.Өнөболд, А.Баттулга нарыг ялж, УАШТ-ий ээлжит алтан медалиа хүртлээ.

57 кг

Доржнямбуугийн Ганболд

2021 оны Ази тивийн аварга, Универсиадын аварга Х.Энхмандах Азийн АШТ-ий медальт Б.Лундааг хагас шигшээд буулгаж авсан ч аваргын төлөө Доржнямбуугийн Ганболдод дийлдлээ.

63.5 кг

Тэгшжаргалын Энхтөр

Т.Энхтөр Азийн АШТ-ий мөнгөн медальт Б.Буяндалайг ялж түрүүлэв.

71 кг

Отгонбаатарын Бямба-Эрдэнэ

ОУХМ О.Бямба-Эрдэнэ ДАШТ-ий хүрэл медальт Б.Мишээлтийг ялж түрүүллээ.

80 кг

Ганзоригийн Далай

92 кг

Отгонжаргалын Батзориг

+92 кг

Халигийн Бекнур